د لاسرسي لېنکونه

دوشنبه ۷ غبرګولی ۱۳۹۷ کابل ۱۲:۲۴

د لوګر یوې قومي جرګې ټرمپ ته مډال ډالۍ کړ


په لوګر ولايت کې يوې قومي جرګې د پاکستان په وړاندې د امریکا د ولسمشر ډونالد ټرمپ د وروستي دریځ د ستایلو لپاره هغه ته یو مډال ډالۍ کړ.

ډونالد ټرمپ د نوي ميلادي کال په اوله ورځ وويل چې پاکستان له ترهګرۍ سره د مبارزې په نوم د امریکا لسګونه میلیارده ډالره اخیستي، خو امریکایان‌یې تېر ایستي دي.

د لوګر د ساداتو قوم مشر سید فرهاد اکبري تېره شپه ازادي راډیو ته وویل:

هيله ده انتظار وکړئ

No media source currently available

0:00 0:02:00 0:00
مستقیم لېنک

"زموږ بزګر، موچي او غریبکار که ۱۰۰ وې یا ۵۰ افغانۍ وې دا یې ورکړې او ټولې ۴۵ زره افغانۍ شوې چې موږ پرې د سرو زرو مډال جوړ کړ. مډال په لاس جوړ شوی او لیکل‌یې په ماشین کې نه‌دي شوي. پر دې مډال موږ ولیکل چې د افغانستان د خلکو له‌خوا نه د شجاعت مډال ډونالد ټرمپ د امریکا جمهور رئیس ته."

ښاغلي اکبري وویل، د ډونالد ټرمپ په نوم‌یې دا مډال په کابل کې د امریکا سفارت ته ورکړ.

د ده په خبره د دوی دا کار په عامو خلکو پورې تړلى او کومه سياسي انګېزه نه‌لري.

XS
SM
MD
LG