د لاسرسي لېنکونه

یکشنبه ۲۹ تله ۱۳۹۷ کابل ۰۳:۴۶

د ایران قضائیه قوه: پر مظاهرو تورن ۴۰۰ کسان لا هم په توقیف کې دي


د ايران قضائيه قوې نن یکشنبه وويل، هغه ٤٠٠ کسان چې په حکومت ضد اعتراضونو کې د برخې اخيستنې په تور نيول شوي، لا هم په توقيف کې دي.

په ايران کې دغه مظاهرې د ډسمبر د مياشتې پر ۲۸مې پيل شوې وې.

د قضائيه قوې وياند غلام حسين محسني اژه ای وويل، له دې ډلې ٥٥ کسان په تهران کې ساتل کېدل.

نوموړي وويل، نن او پرون د ځينو توقيف شويو کسانو تر خوشې کېدو وروسته دا په توقيف کې د پاتې کسانو شمېر دى.

خو تر دې مخکې د ايران يوه اصلاح پلوه وکيل محمود صادقي ويلي وو چې د اعتراضونو پر مهال شااوخوا ٣٧٠٠ کسان نيول شوي دي.

دغه مظاهرې د بيو د لوړېدو او د اداري فساد په اعتراض پيل شوې، خو ځينو مظاهره چيانو د اعتراضونو پر مهال په ايران کې د اخوندي رژيم د نسکورېدو غوښتنه کوله.

XS
SM
MD
LG