د لاسرسي لېنکونه

پنجشنبه ۳ کب ۱۳۹۶ کابل ۰۹:۱۵

چارواکي: په بغلان کې د «البرز۲۲» په نوم پوځي عملیات پیل شوي


د بغلان ولايت چارواکو د البرز ٢٢ په نوم د پوځي عملياتو د پيل خبر ورکړ.

د بغلان د امنيه قوماندانۍ وياند ذبيح الله شجاع ازادي راډيو ته وويل، دغه ګډ پوځي عمليات نن سهار پيل شوي دي.

د ده په وينا د عملياتو هدف د مرکز پلخمري په مربوطاتو کې د سخت دريځو وسله والو ځپل دي.

ښاغلى شجاع وايي، وروسته به دغه عمليات ډنډ غوري، دهنه غوري او نورو سيمو ته هم چې وسله وال په کې حضور لري، پراخ شي.

ويل شوي د دغو عملياتو له کبله په لسګونو کورنۍ له خپلو سميو کډې کولو ته مجبوره شوي دي.

XS
SM
MD
LG