د لاسرسي لېنکونه

شنبه ۳۰ چنګاښ ۱۳۹۷ کابل ۰۶:۱۸

چارواکي: عملیاتو د فاریاب په دولت اباد کې ۲۵ طالبان وژلي


د افغانستان په شمال کې د شاهین ۲۰۹ قول اردو وايي چې په یو لړ عملیاتو کې یې د ۳ قوماندانانو په شمول ۲۵ وسله‎وال طالبان وژلي دي.

د دې قول اردو د مطبوعاتي دفتر مرستیال نصرت الله جمشیدي نن پنجشنبه ازادي راډیو ته وویل، دا عملیات تېره شپه د فاریاب ولایت په دولت اباد ولسوالۍ کې وشول.

دی وايي:

"تېره شپه د هېواد هوايي ځواک د قاطع ملاتړ ماموریت ځواکونو په ملاتړ د فاریاب ولایت په دولت‎اباد ولسوالۍ کې پر دښمنانو هوايي عملیات وکړل چې په لړ کې یې د ۳ قوماندانانو په ګډون ۲۵ طالبان ووژل شول."

جمشیدي دا هم وویل چې د فاریاب ولایت په بېلابېلو سیمو کې عملیات دوام لري.

طالبانو تراوسه پورې په دې اړه څه نه‎دي ویلي.

XS
SM
MD
LG