د لاسرسي لېنکونه

سه شنبه ۲۶ چنګاښ ۱۳۹۷ کابل ۰۵:۵۲

چارواکي: وسله والو طالبانو د فراه ـ فراه رود لویه لار بنده کړې


د فراه ولایت چارواکي وایي، وسله والو طالبانو د فراه ـ فراه رود ترمنځ لویه لار بنده کړې ده.

د فراه د بالابلوک ولسوال ملا سید محمد له نن شنبه ازادي راډیو ته دا تأیید کړه او ویې ویل چې طالبانو تر اوسه اته کسان له دولت سره د همکارۍ په شک نیولي دي.

په فراه ولایت کې د ازادي راډیو خبریال وایي، پر دغه لویه لاره اوس هم طالب وسله وال موټر تالاشي کوي.

تردې وړاندې د فراه امنیتي چارواکو ادعا کړې وه چې په دغه ولایت کې وسله والو طالبانو داسې پرمختللې وسلې ترلاسه کړي چې د افغانستان امنیتي ځواکونه یې نه لري او له دې امله په دغه ولایت کې جګړې سختې شوې دي.

XS
SM
MD
LG