د نړۍ يو شمېر رسنيو د جاشوا بويل قضيې ته کتلي دي.
جاشوا بويل هغه کاناډايي تبعه دی چې له کورنۍ سره پنځه کاله د طالبانو په بند کې وو.
- ګارډین
د بریتانیې ګارډين ورځپاڼې په دې اړه ليکلي دي، د کاناډا پوليسو د بويل پر وړاندې ۱۵ موارد ثبت کړي چې پهکې تېری، د قتل تهديد، تښتونه او د دې هېواد د پولیسو تېر ايستل شامل دي.
طالبانو، بويل له خپلې کورنۍ سره په ۲۰۱۲ میلادي کال کې په افغانستان کې وتښتاوه او پنځه کاله د دې ډلې په بند کې پاتې شو.
بويل او کورنۍ يې د ۲۰۱۷ میلادي کال په اکټوبر مياشت کې په پاکستان کې د طالبانو له بنده راخوشې کړای شو.
جاشوا بويل کاناډا ته تر رسېدو وروسته ادعا وکړه چې د پنځو کلونو بند پر مهال طالبانو د ده څلورم اولاد چې لور وه، ورووژله او د ده پر مېرمنې يې جنسي تېری وکړ.
خو طالبانو دا ادعا رد کړې ده.
- ګلوب اينډ مېل
کاناډايي ورځپاڼې ګلوب اينډ مېل هم په دې اړه لیکنه کړې ده.
جاشوا بويل د طالبانو له بنده له راخوشې کېدو څو مياشتې وروسته د قتل په تهديد او یو شمېر نورو مواردو تورن شوی دی.
ورځپاڼې د بويل د مدافع وکيل ايريک ګرانګر څرګندونې هم خپرې کړې دي.
ګرانګر وايي، بويل بېګناه دی او هېڅ تېروتنهيې نهده کړې.
د کاناډا د صدارت دفتر تأیيدوي چې تر کرېسمس يوه اوونۍ مخکې جاشوا بويل او کورنۍ يې د دې هېواد له صدراعظم جسټن ټروډو سره وکتل.
خو د ښاغلي ټرودو دفتر له بويل څخه د پلټنو په اړه تر اوسه څه نهدي ويلي.
- تر اوسه نهدي ویل شوي چې که د طالبانو دغه پخوانی زنداني مجرم وپېژندل شي، له څه مجازاتو سره به مخامخ شي؟
- نیوزويک
او نیوزويک مجلې په افغانستان کې په ۲۰۱۸ میلادي کال کې د لومړي امریکايي وژل کېدو ته پام کړی دی.
د مجلې په وينا، د نيوجرسي ايالت سناتور کوري بُوکر دا سرتېری ميهايل ګولن معرفي کړی دی.
نيوزويک لیکلي، د کال په لومړۍ ورځ امریکايي سرتېرو ته تلفات اووښتي چې تر دې مخکې په افغانستان کې د نړيوالو قواوو قوماندان ويلي وو چې ۲۰۱۸ میلادي کال به په دې هېواد کې د امریکايي سرتېرو لپاره خطرناک وي.