کابل چاپ ورځپاڼو په خپلو نننیو ګڼو کې په افغانستان کې د فساد د بېلابېلو ډولونو او په وړاندې یې د مبارزې او دغه هېواد ته د نړیوالو ترهګرو ډلو د رالېږلو د مخنیوي په اړه یو شمېر مطالب لیکلي دي.
- ملي ارمان
ملي ارمان خپلواکې ورځپاڼې د خپلې نننۍ ګڼې سرمقاله په دې کرښه پیل کړې، خپل عزت او ناموس په دښمن مهپلورئ.
په سرمقاله کې راغلي، په دې وروستیو کې داسې راپورونه خپاره شوي چې د ارزګان ولایت د یو شمېر امنیتي پوستو مسؤلین، د کشفي ارګانونو په کړنو او کارونو کې پڅوالي او د جرمونو نهمخنیوي ته په پام سره، خپلې پوستې د افغانستان د خلکو په دښمنانو پلوري.
ورځپاڼه لیکي:
دا ډېره جدي او خطرناکه موضوع ده او په کار ده چې امنیتي بنسټونه د ورته پېښو د مخنیوي لپاره ژر تر ژره اقدام وکړي.
ځکه د سرمقاله لیکونکي په باور، که دا مسئله د هېواد نورو ولایتونو ته هم وغځېږي په وړاندې بهیې بیا مبارزه ډېره ستونزمنه وي، خو په سرمقاله کې د سرچینې په اړه څه نهدي ویل شوي.
- دنیا
دنیا خپلواکه ورځپاڼې بیا په خپله نننۍ ګڼه کې لیکي، ولسي جرګه په برېښنا شرکت کې د فساد مسئله څېړي.
په مطلب کې وړاندې راغلي، جرګه د برېښنا شرکت مسؤلین ځان ته ورغواړي چې په دغه شرکت کې د میلیاردونو ډالرو د ورکېدو په تړاو د خپرو شویو راپورونو په اړه سپیناوی وکړي.
د مطلب لیکونکی د ولسي جرګې د یو غړي محمد عارف رحماني په حواله لیکي، اوس هم په دغه شرکت کې یوه مافیايي کړۍ فعاله او په غلا بوخته ده.
خو په مطلب کې دا هم راغلي چې د برېښنا شرکت ویاند وحیدالله توحیدي رسنیو ته ویلي چې پر برېښنا شرکت هره ادعا باید پر اسنادو او شواهدو ولاړه وي.
- هېواد
هېواد دولتي ورځپاڼې بیا په خپله سرمقاله کې یوه بېله موضوع راخیستې ده، افغانستان ته دې د نړیوالو ترورېستانو د رالېږلو مخنیوی وشي.
هېواد لیکي، ځینو افغان او بهرنیو چارواکو په افغانستان کې د داعش ډلې په لیکو کې د بهرنیو اتباعو شتون تأیید کړی، خو وېره دا ده چې نور به هم راولېږل شي.
د سرمقاله لیکونکي په باور، دغه پلان انګرېزي شبکو جوړ کړی او پاکستانیې پلی کوي.
په سرمقاله کې په کورنیو او بهرنیو ځواکونو غږ شوی چې د دغو ډلو د راتګ مخه ونیسي او له پاکستان را اوښتونکي دغه ترورېستي ډلې وځپي او لهمنځهیې یوسي.