په پکتيا کې له تېرو ۱۱ کلونو د بنوزيو په سيمه کې د ۳۲۵۰ جريبه ځمکې پر سر د بنوزيو د قوم او حکومت ترمنځ دعوه روانه ده.
خو د سيمې اوسېدونکي ځمکه خپله ګڼي او ولايتي اداره پرې د شهداوو، معلولينو او معلمينو ته د ښارګوټي توزيع کېدو پلان لري.
درې ورځې وړاندې د پکتيا والي شميم کټوازي او د ولايتي ادارې چارواکو په ياده ځمکه د ولاړو کلاو نړول پيل کړل او خلکو يې په مقابل کې غبرګون وښوده چې په مظاهرو کې يې د خوست کابل ترمنځ لويه لار هم د څلورو ساعتونو لپاره د ټرافيکو پر مخ تړلې پاتې شوه.
د نوموړې ځمکې پر سر جنجال لا هم روان دی او په مشروط ډول مظاهرې درېدلي.
د ازادي راډیو خبریال داود تپان د دغې ځمکې د ستونزو په اړه د پکتيا له والي شميم خان کټوازي سره مرکه کړې او په سر کې يې د شهرک او ځمکې په اړه پوښتلي:
