د لاسرسي لېنکونه

سه شنبه ۳۰ لړم ۱۳۹۶ کابل ۰۸:۲۵

مجروح: پر شمشاد ټلوېزیون حمله کې ۳ کسان وژل شوي او ۲۱ ټپیان دي


د عامې روغتیا د وزات مطبوعاتي سلاکار وحید مجروح ازادي راډیو ته وویل چې د شمشاد پر ټلوېزيون ننني وسله وال برید کې درې کسان وژل شوي او ۲۱ کسان ټپیان شوې دي.

نوموړي وویل، ټپیان د کابل بېلابېلو روغتونونو ته انتقال شوي او له وژل شوېو څخه دوه تنه عدلي طب او یو جسد هم کور ته لېږدول شوی دی.

بل خوا شمشاد تلویزون چې د دې برید له کبله یې خپرونې ځنډېدلې وې بېرته خپلې خپرونې پیل کړي او ویلي دې چې پر ودانۍ یې برید پای ته رسیدلی دی.

د داعش وسله والې ډلې سره یوې تړلې رسنۍ اعماق ویلي چې دا برید د داعش وسله والو کړی.

طالبانو په دې برید کې لاس لرل رد کړي دي.

دا په تېر یو کال کې د رسنیو پر مرکزونو دوېیم ډله ییز برید دی چې داعش وسله وال یې مسؤلیت پر غاړه اخلي.

تردې مخکې یې په ننګرهار راډیو تلویزون خونړۍ برید ترسره کړی و.

XS
SM
MD
LG