د لاسرسي لېنکونه

شنبه ۲۷ لړم ۱۳۹۶ کابل ۱۱:۰۰

نواز شریف له خپلې لور او زوم سره د محکمې په وړاندې څرګند شو 


د پاکستان پخوانی صدراعظم نوازشریف له خپلې لور مریم نواز او زوم سره، نن په اسلام اباد کې د فساد پر تورونو د ځانګړي محکمې په وړاندې څرګند شو.

دا درې واړه یوځای د فساد پر ضد درې محکمو کې د خپلو عوایدو څخه د زیاتې پانګې په لرلو تورن دي.

دا تورونه د پاناما د پاڼو له رسوایۍ وروسته پر دوی پورې شوي دي.

د قاضي محمد بشیر په وړاندې نن د وړاندې کېدو پر مهال شریف او کورنۍ یې غوښتنه وکړه چې د دوی خلاف د اداري فساد درې دوسیې دې په یوه دوسیه بدلې شي.

نواز شریف د نوومبر په درېیمه نېټه له لندنه پاکستان ته ولاړ چېرې یې چې مېرمن تر درملنې لاندې ده.

نوموړې تېره میاشت د محکمې له خوا په رسمي توګه تورن شو، خو هغه پر خپله بې ګناهۍ ټینګار کړی دی.

۶۷ کلن نواز شریف د پاکستان سترې محکمې د جولای په میاشت کې د هغو ادعاوو پر بنسټ د دې هېواد له صدراعظمې بې واکه کړ چې له پاکستانه بهر د نوموړي د پانګې د پټولو او د اداري فساد د نورو تورونو په اړه دي.

XS
SM
MD
LG