د کابل چاپ نننیو ورځپاڼو تر ډېره په هېواد کې د وروستیو حملو په اړه تبصرې کړې دي.
- ملي ارمان
د ملي ارمان خپلواکې ورځپاڼې د نن ورځې په ګڼه کې لیکلي چې طالبانو د سولې خبرو ته په انتحاري حملو او څو ولایتونو کې په چاودنو ځواب ووایه.
ورځپاڼه وړاندې لیکي چې د وروستیو حملو مسؤلیت طالبانو منلی او افغان ځواکونو تهيې د ګڼې مرګ ژوبلې د اړولو ادعا کړې ده.
طالبانو د سولې خبرو ته په انتحاري حملو او څو ولایتونو کې په چاودنو ځواب ووایه.
د ورځپاڼې په خبره دغه حمله په داسې حال کې کېږي چې د افغانستان، پاکستان، چین او امریکا څلور اړخیزه ناسته په عمان کې ترسره شوه او پاکستان پهکې ډاډ ورکړ چې خپلې ژمنې به عملي کوي.
- دنیا
دنیا خپلواکې ورځپاڼې هم د همدې موضوع په اړه مطلب خپور کړی او ویلي يې دي چې په پکتیا غزني او میدان وردګو ولایتونو کې د طالبانو په ډلهییزو حملو کې د پکتیا د امنیه قوماندان په ګډون لسګونه کسانو ته مرګ ژوبله واوښتنه.
په مطلب کې راغلي په دې پېښه کې ۱۱ انتحاري حمل کوونکو برخه اخیستې وه او د یوه سیمهییز امنیتي چارواکي له قولهيې لیکلي چې حمله د دوه پوځي موټرو د چاودنې سره پیل شوه چې د پکتیا د امنیه قوماندانۍ تر څنګيې ځانونه رسولي وو.
د لیکنې په دوام راغلي، د افغانستان جمهوري ریاست د دغې حملې د غندلو تر څنګ د برید پر وړاندې د افغان ځواکونو اقدامات ستایلي دي.
- ویسا
د ویسا ورځپاڼې "د افغانستان لپاره د امریکا ستراتېژي د ملکي تلفاتو مرګ ژوبله ډېره کړې" تر عنوان لاندې مطلب خپور کړی دی.
په مطلب کې د ولسي جرګې د غړو له قوله لیکل شوي چې د افغانستان لپاره د امریکا د نوې ستراتېژۍ له اعلان وروسته امنیتي وضعیت خراب او په یو شمېر سیمو کې د وسلهوالو طالبانو حاکمیت ډېر شوی دی.
په یو شمېر سیمو کې د وسلهوالو طالبانو حاکمیت ډېر شوی دی.
- هېواد
او هېواد دولتي ورځپاڼې هم د پکتیا د تېرې ورځې د حملې په اړه تبصره کړي او لیکلي دي چې په دې حملو کې د یاد ولایت د امنیه قوماندان په ګډون ۵۱ تنه ووژل شول.
ورځپاڼې د پکتیا پوهنتون د یو شمېر استادانو په حواله لیکلي چې په دې حملو کې د پوهنتون ۱۵ محصلینې هم ټپيانې شوې دي.
په دې حملو کې د پوهنتون ۱۵ محصلینې هم ټپيانې شوې دي.