د لاسرسي لېنکونه

دوشنبه ۱ لړم ۱۳۹۶ کابل ۰۹:۳۸

خلیل: د پروان د فندقستان سیمې بېځایه شوي په سختو شرایطو کې دي


د پروان ولایت چارواکي وايي، له فندقستان درې نه د جګړې په سبب بېځایه شوي کډوال په سخت وضعیت کې دي.

په فندقستان دره کې چې د پروان په سیاه ګرد ولسوالۍ کې پرته ده اوه زره کورنۍ اوسیدلې چې د جګړې په سبب ځینې دا کورنۍ له سیمې په تېشته بریالي شوي دي.

د پروان ولایت د کډوالو چارو رئیس اغاشیرین خلیل نن ازادي راډيو ته وویل چې څه باندې زر کورنۍ اوس پروان ته رسېدلي دي او په سختو شرایطو کې دي.

هغه وویل د پروان ولایت له خوا یو پلاوی موظف شوی څو د دغو بېځایه شویو خلکو ارزونه وکړي او له مخې یې مرستې ورته ورسېږي.

بېځایه شوي کډوال له حکومته د بېړنیو مرستو غوښتنه کوي او وايي چې هیڅ هم نه لري او یوازې یې ځانونه له جګړې خوندي کړي دي.

د فندقستان په دره کې له جمعې ورځې راهیسې افغان پوځیان او وسله وال طالبان په نښته کې دي او د دې درې کنټرول له همدې ورځې د وسله والو طالبانو په لاس کې دی.

XS
SM
MD
LG