د لاسرسي لېنکونه

چهارشنبه ۱ لیندۍ ۱۳۹۶ کابل ۰۳:۵۱

نظام: په بغلان کې د کوکنارو کښت څو برابره زیات شوی


د بغلان ولایت چارواکي وایي، سږکال په دغه ولایت کې د کوکنارو کښت د تېر کال پرتله څو برابره ډېر شوی دی.

د بغلان د امنیه قوماندانۍ د نشه یې موادو پر وړاندې د مبارزې مدیر نظام الدین نظام ازادي راډیو ته وویل چې تېر کال د دغه ولایت په بېلابېلو سیمو کې تر ۱۲۰ هکتاره ځمکه کې کوکنار کرل شوي، خو سږکال نېږدې اته نیم سوه هکتاره ځمکه کې کوکنار کرل شوي دي:

"له بده مرغه سږکال په ۸۴۹ هکتاره ځمکه کې کوکنار کرل شوي چې د ملګرو ملتونو د اړوند ادارې د سروې له مخې دغه کوکنار د بغلان په پنځو ولسوالیو کې کرل شوي دي. موږ پلان درلود چې دغه کښتونه له منځه یوسو، خو زموږ امنیتي ځواکونو په جګړو بوخت شول او له بده مرغه د کوکنارو کښت ډیر شو."

د بغلان چارواکي وایي، له کابل څخه یې د ددغې ستونزې د هواري لپاره د مرستي غوښتنه کړې.

دغه چارواکي وایي، تر ډېره کوکنار د بغلان په هغو سیمو کې کرل شوي چې د حکومت په کنټرول کې نه دي.

XS
SM
MD
LG