د امریکا ولسمشر ډونالډ ټرمپ پرون وویل، له خپلو امنیتي سلاکارانو او پوځي مشرانو سره د افغانستان په اړه پریکړې ته رسیدلی دی.
ټرمپ دا خبره پر خپل ټویټر لیکلې خو په دې اړه یې نور جزئیات نه دي ورکړي.
ولسمشر ټرمپ د جمعې په ورځ د افغانستان او جنوبي اسیا په اړه د خپل ملي امنیت له ټیم سره په کمپ ډیویډ کې غونډه لرله.
اجمل اند د افغان څیړونکي او په افغانستان کې د ناټو له پخواني سلاکار شفیق همدم سره مرکه کړې او په سر کې یې ترې پوښتلي چې د کمپ ډیویډ غونډه د افغانستان لپاره څه لري؟
