د لاسرسي لېنکونه

د تخار په چاه اب ولسوالۍ کې پر لمونځ کوونکو حمله کې ۳ تنه وژل شوي


د تخار ولایت په چاه اب ولسوالۍ کې نن پر یوه مسجد د وسله والو په برید کې لږ تر لږه ۳ کسان وژل شوي او ۱۱ نور ژوبل دي.

د تخار د والي ویاند سنت الله تیمور ازادي راډیو ته دا پیښه تائید کړه او د هغه په وینا برید د بشیر قانت په نوم د یوه سیمه ییز قوماندان کسانو کړی دی.

ښاغلي تیمور ویلي قوماندان قانت پورې تړلو وسله والو ځکه پر جومات برید کړی چې خلک د جومات په امام پسې له لمونځ کولو منع کړي.

د تخار د والي ویاند وايي، د دې جومات امام خلک د قوماندان قانت پر ضد هڅول او پر هغه يې انتقادونه کول.

د تخار چارواکي د نورو وسله والو شخړو د مخنیوي لپاره يې سیمې ته امنیتي ځواکونه استولي دي.

د وسله والو قوماندان بشیر قانت تر اوسه په دې اړه څه نه دي ویلي.

XS
SM
MD
LG