په دې وروستیو څو اوونیو کې یوه ډله نجونو زما نوم چیرې دی په نامه یو کمپاین پیل کړی او موخه یې دا ده چې ولې یو شمېر افغانان د خپلو ښځو د نومونو په اخیستلو شرمېږي.
نوم د هر انسان هویت دی چې د له پیدایښته وروسته پرې ایښودل کېږي او د ژوند ترپایه بیا په همدې نامه یادېږي، خو اکثراً افغانان د خپلې مور، خور، لور او مېرمنې په نوم شرمېږي او د دوی د نوم اخیستل ورته په اصطلاح شرم او ننګ ښکاري.
ډېری افغانان د اړتیا په وخت کې په عمومي ځایونو کې د خپلې ښځې، خور، لور او مور نومونه نه اخلې او هغوی ته د نوم اخیستلو په ځای تور سرې، زنانه، عاجزه، د ماشومانو مور د فلاني لور، مرحومه د حاجي ښځه د ملک وریندار او دی ته ورته نور نومونه اخلي.
د بشپړ پروګرام اورېدو لپاره لاندې لېنک کېکاږئ:
جوړوونکې: مسعوده نیازۍ