د افغانستان د کرلېنګ ملي لوبډلې د قزاقستان د اولسم پړوا د کرلېنک ازادو سیالیو کې درېیم مقام خپل کړ.
د افغانستان د کرلېنګ فدراسیون رئیس منور شهزاد نن شنبه ازادي راډیو ته وویل چې د افغانستان د کرلېنګ لوبډلې په خپله لومړی لوبه کې د ازبکستان لوبډلې ته ۷ د ۸ پر وړاندې او په دوهمه لوبه کې د قزقستان C لوبډلې ته ۳ د ۱۲ پر وړاندې ماته ورکړه، خو په وروستۍ لوبه کې یې د قزقستان له B لوبډلې ۶ د ۱۳پر وړاندې ماته وخوړه.
د افغانستان د کرلېنګ لوبدلې په دغو سیالیو کې د فني او حرفوي زدهکړو په هدف د روان مېلادي کال د جون په ۳۰ مه ګډون کړی و.
د قزاقستان د کرلېنګ په سیالیو کې ۸ لوبډلو له ترکمستان، قزاقستان، روسیې او افغانستان څخه ګډون کړی و.