د لاسرسي لېنکونه

پنجشنبه ۲۷ تله ۱۳۹۶ کابل ۰۰:۵۶

دفاع وزارت: د هېواد بېلابېلو برخو کې ۳۴ مخالفین وژل شوي


د افغانستان دفاعي چارواکي وايي، د پرون راهیسې یې په بېلابېلو ولایتونو کې د تهاجمي عملیاتو په ترڅ کې ۳۴ وسله وال وژلي دي.

د دفاع وزرات په هغې خبرپاڼې کې د چې د جمعې سهار یې خپره کړې د اتلس نورو وسله والو د ټپي کېدو هم ویل شوي.

دفاع وزارت وايي، د دې پوځي عملیاتو په ترڅ کې د هلمند په مارجې کې شل تنه وسله وال ترهګر وژل شوي دي.

د ننګرهار پچیر اګام کې یې د داعش د شپږ وسله والو د وژل کېدو او ۱۲ د ټپي کېدو خبر ورکړی، د کندهار په شا ولي کوټ کې یې د پنځو طالب وسله والو د وژل کېدو او د غزني په ګیلان کې یې د ۳ وسله والو د وژل کېدو او شپږ د ټپي کېدو ویلي.

په خبر پاڼه کې راغلي چې دا عملیات د پلي ځواکونو له خوا د هوايي او توپچي ځواک په ملاتړ شوي دي.

په دې عملیاتو کې حکومتي لورې ته د اوښتې مرګ ژوبلې په اړه خبرپاڼه کې څه نه دي ویل شوي.

وسله والو طالبانو او د داعش ډلې د دفاع وزارت پر دې خبرپاڼې تبصره نه ده کړې.

XS
SM
MD
LG