ټاکل شوې ده ډېر ژر د افغانستان، پاکستان، امريکا او چين تر منځ د افغانستان په اړه څلور اړخيزه غونډه وشي.
تېر کال د ثور په نهه ويشتمه نېټه هم د يادو هېوادونو تر منځ څلور اړخيزه غونډه شوې وه.
افغانستان هر ځل په ورته غونډو کې په پاکستان کې د مېشتو هغو سخت دريځو پر وړاندې غږ پورته کړی چې د افغان چارواکو په وينا، په افغانستان کې حملې کوي.
مخکې د شانګهای کنفرانس په څنډه کې افغان ولسمشر د پاکستان له صدراعظم نواز شريف سره د کتنې پر مهال هغه ته ويلي چې هېواد يې باید له ترورېزم سره جدي مبارزه وکړي کنه له بد برخليک سره به مخامخ شي.
د یادې موضوع په اړه ملالۍ بشير د سیمې د سیاسي چارو له امریکا ميشتې کارپوه محمد تقي سره مرکه کړې ده او په سر کې يې پوښتنه کړې ده چې افغانستان پر پاکستان د فشار واردولو څومره توان لري؟
