د لاسرسي لېنکونه

کندهار کې يو بريد کوونکی تر درې ساعته جګړې وروسته ووژل شو


په کندهار کې يو وسله‎وال بريد کوونکی تر درې ساعته جګړې وروسته ووژل شو.

د کندهار د والي ویاند صمیم خپلواک ازادي راډیو ته وویل چې دغه وسله‎وال د ملي امنیت د ځواکونو له لوري د نيول کېدو پرمهال له امنیتي ځواکونو سره له يوه کور څخه څوساعته جګړه وکړه، دغه کور د کندهار ښار د څلورمې حوزې اړوند د یارانه مارکیټ سره و چي بلاخره وسله‎وال د ملي امنیت د ځواکونو له لوري ووژل شو.

يوې باوري امنیتي سرچينې ازادي راډیو ته وویل چې په دغه نښته کې د ملي امنیت يو سرتيری هم وژل شوی او یو بل ټپي شوی دی.

بل‎خوا په سپين‎بولدک ولسوالۍ کې نن غرمه پر موټر سایکل بم چاودنې څلورو تنو ته مرګ ژوبله اړولې.

د امنيه قوماندانۍ وياند ضيا درانى وايي چې د يادې پېښې پرمهال يو مُلکي وګړى وژل شوى او دوه ملکيان او يو سرحدي پوليس ژوبل شوي دي.

د دې پېښو مسؤلیت تر اوسه چا نه‎دی منلی.

XS
SM
MD
LG