د لاسرسي لېنکونه

پنجشنبه ۲۳ لیندۍ ۱۳۹۶ کابل ۰۴:۰۹

ظریف: پر ایران د کانګرس د بندیزونو غوښتنه یو تضاد دی


د ایران د بهرنیو چارو وزیر وايي، د سپینې ماڼۍ لخوا د تهران د پروني خونړي برید پر وړاندې عکس العمل او پر تهران د امریکا د کانګرس د نویو بندیزونو غوښتنه یو تضاد دی.

جواد ظریف پرون پر خپل ټویټر ولیکل چې د ایران خلک د امریکا لخوا د دوستۍ دا ډول پیغام نه مني.

ایران وايي، د دې هېواد پر پارلمان او د ایت الله روح الله خمیني پر مزار په پرونۍ حملو کې ۱۳ کسان وژل شوي دي.

داعش په ایران کې د پرونیو بریدونو مسؤلیت پر غاړه اخیستی دی.

د امریکا ولسمشر ډونالد ټرمپ پرون د ایران د بریدونو د قربانیانو لپاره خواشیني څرګنده خو دا يې هم وویل چې کوم هېوادونه د ترورېزم ملاتړ کوي هغوی به د هم هغه ترورېزم ښکار کېږي.

XS
SM
MD
LG