د لاسرسي لېنکونه

جمعه ۲۸ تله ۱۳۹۶ کابل ۱۰:۱۸

حکمتیار: ځينې داخلي کړۍ طالبانو ته پر حزب اسلامي ترجېح ورکوي


د حزب اسلامي مشر ګلبدین حکمتیار وايي، ځینې داخلي کړۍ د خپلو بهرنیو همکارانو په مرسته طالبانو ته پر حزب اسلامي ترجېح ورکوي.

ښاغلي حکمتیار نن په کابل کې خبریالانو ته وویل دا کړۍ نه‌غواړي چې حزب اسلامي د افغانستان په چارو کې مخکښ رول ولوبوي.

له افغان حکومت سره د سولې د موافقې تر لاسلیک وروسته ګلبدین حکمتیار شااوخوا یوه میاشت مخکې کابل ته راغی.

نوموړي دا څرګندونې په داسې حال کې کړي چې د افغان دولت او طالبانو تر منځ د سولې خبرې په ټپه درېدلې دي.

ولسمشر محمد اشرف غني د «کابل پروسې» په کنفرانس کې وویل چې د وروستي ځل لپاره پر طالبانو غږ کوي چې سولې ته مخه کړي.

XS
SM
MD
LG