وروسته له دې چې د امریکا د ملي استخباراتو مشر په راتلونکو اتلسو میاشتو کې د افغانستان د وضعیت د خرابېدو پر احتمال اندیښنه وښوده، افغان چارواکو وویل چې د وضعیت د ښیګڼې لپاره له خپلو نړیوالو متحدانو سره ګډ پلانونه لري.
دا په داسې حال کې ده چې سپینه ماڼۍ د نورو سرتېرو د استولو په ګډون د افغانستان لپاره د خپلې نوې سټراټیژۍ په اړه د غور په حال کې ده.
آیا په افغانستان کې د وضعیت په اړه د امریکايي استخباراتي چارواکو څرګندونې رښتینی بنسټ لري او که د دې لپاره کېږي چې د امریکا د متحدانو ملاتړ خپل کړي.
د افغانستان د وضعیت د ښه کولو لپاره د امریکا حکومت باید څه وکړي؟ احمدتکل په دې اړه د ولسي جرګې له غړي ګل پاچامجیدي سره مرکه کړې.
د مرکې په پیل کې ښاغلي مجیدي د ترورېزم پرضد د رښتینې مبارزې پر اړتیا ټینګار وکړ:
