د مارچ اتمه د ښځو نړیوالې ورځې په مناسبت هر کال هم ددولت په کچه او هم د ګڼو بنسټونو لخوا لمانځل کېږي.
دا چې دا ډول کمپاینونه د ښځو پر وړاندې د تاوتریخوالي په مخنیوي کې څومره ګټور دي او د افغان ښځو په ژوند کې یې کوم مثبت بدلون راوستی او کنه، په خپرونه کې بحث پرې کوو.
داسې ډیرې کمې ورځې به وي چې د افغان میرمنو د وژنو، سنګسار، په تېلو د سوځونې، د مور او پلار او مېړه د کورنیو له خوا د وهلو او ټکولو، جنسي تیريو، په کم عمر کې ودونو، حبس او تښتونو رپوټونه په رسنیو کې خپاره نه شي.
د دغو ناوړه زړ بوږنوونکو او خپل سرو پېښو او کړنو پر وړاندې حکومت مدني ټولنې او د ښځو اړوندې ادارې هر کال د مارچ په اتمه نېټه د لارینونو، کمپاینونو او سیمینارونو له لارې د عدالت غوښتلو غږ اوچتوي،خو سره له دې هم له بده مرغه تاوتریخوالی ورځ تربلې مخ په ډېرېدو دی، پوښتنه دا ده چې دا کمپاینونه او غونډې چې هر کال د ښځو له حقونو څخه د دفاع په خاطر جوړېږي،زیانمنو مېرمنو ته یې کومه ګټه رسولې او د هغوی درد یې دوا کړی او کنه؟
جوړوونکې:مسعوده نیازۍ