د لاسرسۍ وړ لېنکونه

تازه خبر
چهارشنبه ۵ غویی ۱۴۰۳ کابل ۰۵:۰۳

نړۍ

واشنګټن کې د ټرمپ لوړې مراسمو لپاره امنیتي تدابیر سخت شوي

د امریکا متحده ایالتونو په پلازمینه واشنګټن کې د نوي ولسمشر ډونالډ ټرمپ د لوړې مراسمو لپاره سخت امنیتي تدابیر نیول شوي دي.

د واشنګټن په ځینو سیمو کې له هغې ډلې د کانګریس ودانۍ ته نېږدې استنادي دیوالونه درول شوي او د لا زیات امنیت د ټینګښت لپاره په ځینو سیمو کې موانع اېښودل شوي دي.

د نیشنل مال شاوخوا ته امنیتي موانع رامنځته شوي او تخنیکرانو تېرماښام د لنکلن د یادښت په ځای کې چې تمه ده ډونالډ ټرمپ په‎کې لنډه وینا وکړي خپلې وروستۍ آمادګۍ نیولې.

واشنګټن ته له رسېدو وروسته ډونالډ ټرمپ په یوه پوځي الوتکه کې له خپلو نورو جمهوري غوښتونکو ملګرو سره د آرلنګتن ملي هدیرې ته ورغی هغه هدیره چې د امریکا د جګړو ډېر قربانیان په کې خښ شوي دي.

ښاغلي ټرمپ ژمنه وکړه چې په واشنګټن کې به واقعي بدلونونه راولي او هېواد به یې چې له ژور اختلاف سره مخ دی یو موټی کړي.

د ورځې تازه خبرونه دلته ولولئ

روسي چارواکي:اوکرایني بې پيلوټه الوتکو مو په سمولینسک کې د تېلو او انرژۍ تاسیسات په نښه کړي

ارشیف
ارشیف

د روسیې د سمولینسک سیمې چارواکي واسیلي انوخین نن په ټیلګرام کې لیکلي دي چې د دوی د سیمې د تېلو او انرژۍ پر تاسیساتو د اوکرایني ډرون الوتکو د برید له امله اور لګېدلی دی.

انوخین زیاتوي چې تلفات نه دي اوښتی او اور د بېړنیو چارو د ادارې کارکوونکو مړ کړی دی.

د برېتانیا صدراعظم نن خپل جرمني سیال سره پر امنیتي او دفاعي مسایلو غږیږي

د برېتانیا صدراعظم ریشي سوناک
د برېتانیا صدراعظم ریشي سوناک

د برېتانیا صدراعظم ریشي سوناک به د جرمني له صدراعظم اولاف شولڅ سره نن پر امنیتي او دفاعي چارو خبرې وکړي.

ریشي سوناک اتلس میاشتې مخکې د برېتانیا صدراعظم شو او له صدرات راوروسته یې دا برلین ته لومړی سفر دی.

اټکل کیږي چې دوی به تر ډيره د اوکراین پر مسالې تمرکز وکړي او په اروپا کې به د ناټو د هوایي دفاع د پیاوړتیا پر مسالې وغږیږي.

امریکا پر ایران نور بندیزونه ولګول

د امریکا او ایران بیرغونه
د امریکا او ایران بیرغونه

د امریکا د بهرنیو چارو وزارت پر ایران نور بندیزونه ولګول.

په دې بندیزونو کې چې پرون د خزانې وزارت اعلان کړل، ۴ کسان او هغه دوه شرکتونه شامل دي چې د خزانې وزارت د بیان له مخې د ایران د پوځ په لارښوونه په ورانکارو سایبري فعالیتونو کې ښکېل وو.

پر دې سربېره د امریکا د عدلیې وزارت او د تحقیقاتو فدرال ادارې اعلان کړی چې په دې بندیزونو کې شامل ۴ کسانو پر امریکايي موسسو په سایبري حملو کې لاس درلود.

بایډن: اوکراین سره د پوځي مرستو تصویب شوې لایحه به سمدستي توشیح کړم

د امریکا ولسمشر جوبایډن
د امریکا ولسمشر جوبایډن

د امریکا ولسمشر جوبایډن وايي له اوکراین او نورو هېوادونو سره د دې هېواد د مرستو هغه لایحه به سمدستي توشیح کړي چې د مشرانو جرګې پرون ناوخته تصویب کړه او اوکراین ته د پوځي مرستو بیاپیل ته لاره اواروي.

ښاغلي بایډن بېګا په یوه بیان کې وویل، د مرستو دا لایحه به چې کله د ده دفتر ته ورسېږي سمدستي توشیح کړي او بیا به د امریکا خلکو ته وینا وکړي.

بایډن زیاته کړه چې د نوموړې لایحې له توشیح وروسته به په روانه اوونۍ کې اوکراین ته د وسلو او تجهیزاتو د استولو لړۍ پیل شي.

د ۹۵ میلیارد ډالر په ارزښت د امریکا د مرستې دا لایحه د استازو جرګې له څو میاشتني ځنډ وروسته د تېرې شنبې په ورځ تصویب کړه خو سنا پرون په ډېرې اسانۍ سره تایید کړه.

په دې مرسته کې څه باندې شپېته میلیارد ډالر د اوکراین لپاره ځانګړي شوي دي.

د سنا د اکثریت د مشر چک شومر په وینا، د دې مرستو پاتې برخه له غزې نیولې تر سوډانه په جګړو کې د ایسارو ملکي وګړو لپاره ځانګړې شوې.

ملګري ملتونه: د غزې په دوو لویو روغتونونو کې موندل شوي ډله ییز قبرونه دې وڅېړل شي

یو موندل شوی ډله ییز قبر
یو موندل شوی ډله ییز قبر

ملګرو ملتونو د غزې د تړانګې په دوو لویو روغتونو کې د موندل شویو ډله ییزو قبرونو په اړه د رڼو او بې پرې تحقیقاتو غوښتنه کړې.

په دې روغتونونو کې اسراییلو پوځي عملیات کړي وو.

د ملګرو ملتونو ویاند ستیفان دوجاریک پرون خبریالانو ته وویل، څېړونکي باید اړوندو ساحو ته د ورتګ اجازه ولري او زیاته یې کړه چې ژورنالېستانو ته هم په غزه کې په دې اړه د راپور ورکولو لپاره باید د خوندي کار اجازه ورکړل شي.

پرون له دې مخکې د ملګرو ملتونو د بشري حقونو مشر وولکر تورک وویل چې د غزې د الشفا روغتیايي مرکز او د خان یونس د الناصر روغتون د ورانېدو د خبر په اورېدو بوږنېدلی دی.

غزه کې پر یوه روغتون بیا برید شوی

د غزې د ویجاړ شوي ښار یوه څنډه
د غزې د ویجاړ شوي ښار یوه څنډه

د غزې د نوازه په سیمه کې د العوده – نصیرات روغتون د اداري ودانۍ پنځم پوړ او چت تر برید لاندې نیول شوی.

د روغتیا نړیوال سازمان مشر ټیډروس ادهنوم ګیبرسیوس د سه شنبې په ورځ (اپریل ۲۳ مه) په ایکس شبکه (پخواني ټویټر) کې د جګړې له ښکیلو خواوو څخه وغوښتل چې په روغتونونو له برید او پوځې کاروونې ډډه وکړي او د اوربند او سولې لپاره کار وکړي.

ګبرسیوس دا هم لیکلي چې په نصیرات روغتون وروستي برید له امله د یاد روغتون د بریښنا سولري سیسټم خرابه شوی دی. د روغتون د اوبو او تېلو زیرمو ته هم د زیان رسېدو خبر ورکړل شوی دی.

نصیرات – العوده روغتون هره ورځ لږ تر لږه ۱۲۰۰ ناروغانو ته طبي خدمات وړاندې کوي او شاوخوا 209 کارکوونکي لري.

د روغتیا د نړیوال سازمان په وینا، په دې برید سره، د ۲۰۲۳ کال له اکټوبر څخه تر اوسه پورې، د غزې په تړانګه کې د ۳۶ روغتونونو له جملې څخه، ۳۱ روغتونونه زیانمن شوي.

امریکا کې یوې محکمې د میر رحمان رحماني په اړه پر لومړني حکم اعتراض رد کړ

میر رحمان رحماني د تېر جمهوري نظام د پارلمان رییس
میر رحمان رحماني د تېر جمهوري نظام د پارلمان رییس

د امریکا یوې محکمې د میر رحمان رحماني او اجمل رحماني په اړه د ابتداییه محکمې د حکم د بیا کتنې یا ننګولو غوښتنه رد کړه.

میر رحمان رحماني د تېر جمهوري نظام د پارلمان رییس او زوی یې اجمل رحماني د پارلمان غړی وو.

د امریکا د خزانې وزارت د تېر ۲۰۲۳ کال په ډسمبر کې اعلان وکړ چې میر رحمان رحماني، اجمل رحماني او ورسره تړليو لږ تر لږه ۴۴ شرکتونو د امریکايي ځواکونو په تدارکاتي تړونونو کې پراخ فساد کړی او د امریکا لسګونه میلیونه ډالره یې حیف او میل کړي.

رحماني هغه وخت د امریکا خزانې وزارت پرېکړه چلنج کړې وه او ویل یې چې حاضر دي محکمې ته د خپل سپیناوي په باب اسناد وړاندې کړي.

د کلمبیا د ولسوالۍ د تازه بیان په اساس د بیاکتنې د ادعا غوښتنه ځکه ردوي چې د دوی په باور متقاضیان د دې وړتیا نه ده ښوولې چې پرېکړه دې وننګوي. د بیان په اساس دوی

همداراز امریکا ته نه دي پرېښودل شوي او د بهرنیو چارو وزارت د پرېکړې په وړاندې د درېدو جوګه نه وو.

د امریکا سنا له اوکراین او اسراییل سره نوې پوځي مرستې تایید کړې

د امریکا سنا
د امریکا سنا

د امریکا متحده ایالتونو سنا جرګې د ۹۵میلیاردو ډالرو په ارزښت د پوځي مرستو بسته تصویب کړه.

په دې مرستو کې څه باندې شپېته میلیونه ډالره اوکرایین ته ځانګړي شوي.

همدارنګه له اسراییلو سره هم شاوخوا ۲۶میلیارد ډالره د دې مرستو یوه برخه جوړوي. د سنا جرګې د اکثریت مشر چک شومر وویل چې پاتې برخه مرستې به له غزې نېولې تر سوډانه په کړکېچ کې د ایسارو ملکیانو لپاره ځانګړې شي.

سنا جرګې له میاشتو میاشتو ځنډ وروسته بلآخره د مرستو دا بسته تصویب او ولسمشر ته د توشیح لپاره وړاندې کړه.

د امریکا ولسمشر جوبایډن ویلي وو چې سمدستي به د سنا له تصویب وروسته د مرستو مسوده لاسلیک کړي.

د ایران ولسمشر نن او سبا هم پاکستاني چارواکو سره لیدنې او خبرې لري

د ایران ولسمشر ابراهیم رییسي او د پاکستان صدراعظم شهباز شریف
د ایران ولسمشر ابراهیم رییسي او د پاکستان صدراعظم شهباز شریف

ټاکل شوې چې د ایران ولسمشر ابراهیم رییسي به اسلام آباد ته د درې ورځني سفر په ترڅ کې نن او سبا هم له پاکستاني چارواکو سره لیدنو کتنو ته دوام ورکړي.

د دوه اړخیزو همکاریو د پیاوړتیا او د تروریزم پرضد د مبارزې په اړه بحث د دې سفر مهم هدف بلل شوی دی.

ښاغلي رییسي پرون له صدراعظم شهباز شریف سره تر لیدنې وروسته وویل پاکستان او ایران موافقه وکړه چې د دواړو هېوادونو ترمنځ د سوداګرۍ کلنۍ کچه لس میلیارد ډالر ته لوړه شي.

ښاغلي شریف هم هیله څرګنده کړه چې د دواړو هېوادو اړیکې به پیاوړي شي.

رییسي پاکستان ته خپل لومړی سفر یوازې څو میاشتې وروسته له هغه کېږي چې د روان کال په پیل کې د دواړو هېوادونو اړیکې د یوبل په خاورو کې د حملو له کبله ترینګلي شول.

برېتانیا به نن اوکراین سره څه باندې ۶۰۰ میلیونه ډالره مرسته اعلان کړي

د برېتانیا صدراعظم ریشي سوناک
د برېتانیا صدراعظم ریشي سوناک

تمه ده چې د برېتانیا صدراعظم ریشي سوناک به نن پولنډ ته د سفر پرمهال له اوکراین سره د ۶۱۷ میلیون ډالرو په ارزښت د برېتانیا د مرستې تر ټولو لویه بسته اعلان کړي.

د برېتانیا حکومت نن په یوه بیان کې وویل، د اوکراین پرضد د روسیې له وحشتناک یرغل سره د ټولې اروپا امنیت او ثبات له ګواښ سره مخامخ دی.

له دې بستې سره، په روان مالي کال کې له اوکراین سره د برېتانیا د ټولو مرستو کچه ۳،۷۱ میلیارد ډالرو ته ورسېده.

په بیان کې دا یادونه هم شوې چې برېتانیا به اوکراین ته د تجهیزاتو یوه ډېره لویه بسته چې ساری یې له دې مخکې نه دی لیدل شوی، هم واستوي.

نور راوښيه

XS
SM
MD
LG