د افغانستان د مالیي وزارت وایي چې دوی به د ملي شورا له ژمنیو رخصتیو وړاندې د راتلونکي مالي کال د بودجې طرحه نهایې او بیا ځلي به یې د افغانستان ملي شورا ته واستوي.
د دغې بودجې طرحه د تېرې اوونۍ د چهارشنبې په ورځ د افغانستان ولسي جرګې له خوا د توازن د نشتوالي له امله رد شوې ده.
د افغانستان د مالیې وزارت د معلوماتو له مخې د دغه هېواد د راتلونکي کال ټوله بودجه ۴۶۶ میلیارده افغانۍ ده چې ۲۸۷ میلیارده یې عادي او ۱۷۸ میلیارده یې پرمختیایي بودجه ده.
د ازادي راډيو خبریالې ناجیې ساپۍ د افغانستان د مالیې وزارت له ویاند او د عامه اړېکو رئیس اجمل حميد عبدالرحیم زي سره مرکه کړې ده او په سر کې ترې پوښتلې چې د ۱۳۹۶ مالیې کال د بودجې طرحه به کله نهایې کېږي؟
