د لاسرسۍ وړ لېنکونه

تازه خبر
چهارشنبه ۲۹ وری ۱۴۰۳ کابل ۱۲:۵۶

نړۍ

سي.ای.اې: دروسیې مداخلې د ټرمپ بریالیتوب سره مرسته کړې

د امریکا د استخباراتو ادارې «سي. ای. اې» نتیجه ګیري ښیي چې د امریکا د تېرې میاشتې ولسمشرۍ انتخاباتو کې د روسیې مداخلې د ډونالډ ټرمپ پر بریالیتوب کې مرسته کړې ده.

دا خبره د واشنګټن پست ورځپاڼې په یوه راپور کې وروسته له هغه شوې چې د امریکا ولسمشر بارک اوباما د هغو سایبر یا انټرنټي بریدونو د تحقیقاتو امر کړی وو چې د امریکا د ولسمشرۍ په وروستیو انتخاباتو کې شوې دي.

اوباما ویلي وو د دغو تحقیقاتو نتیجه باید مخکې تر دې چې دی د جنورۍ پر شلمه د ولسمشرۍ چاري رسماً ډونالډ ټرمپ ته پرېږدي بایدده ته ورکړل شي.

واشنګټن پست د یو شمېر امریکایي چارواکو له قوله چې نومونه یې نه دې ښودلي وایي، «سي. ای. اې» داسې نتیجه اخیستې چې د ولسمشر په توګه د ډونالډ ټرمپ انتخابېدل د روسیې هدف وو.

دا خبره د هغو انفرادي کسانو تر پېژندلو وروسته شوې چې د روسیې له حکومت سره یې اړیکي درلودې.

دوی د دیموکراتیکي ملي کمېټې، د هېلري کلېنټن د ولسمشرۍ کمپاین او نورو په اړه زرګونه هک شوي ایمیلونه ویکي لیکس ته ورکړي دي.

دغه افراد د روسیې د هغو پراخو عملیاتو یوه برخه پېژندل شوي چې په انتخاباتو کې یې د ټرمپ د بریالیتوب او د کلېنټن د چانس د کمولو په هدف کړي دي.

د امریکا د استخباراتو ادارې په اوکتوبر میاشت کې مخکې تر دې چې انتخابات وشي په رسمي ډول روسیه په انټرنټي بریدونو تورنه کړې وه، خو هغه مهال یې ویلي وو ګمان کوي چې د روسیې لخوا دا ډول بریدونه د امریکا د انتخاباتي سیسټم د ګډوډۍ په هدف کېږي نه د ډونالډ ټرمپ د چانس د زیاتېدو لپاره، خو د واشنګټن پست په راپور کې راغلي چې «سي. ای. اې» د خپلې ارزونې نتایج کانګرس ته وړاندي کړي او سناتورانو ویلي چې اوس ښکاره ده چې د ټرمپ بریالیتوب د روسیې هدف وو.

روسیې د امریکا په انتخاباتو کې هرډول مداخله رد کړې ده.

د ورځې تازه خبرونه دلته ولولئ

سعودي: پاکستان کې پر اقتصادي پروژو پانګونو ته دوام ورکوو

شهزاده فیصل بن فرحان بن عبدالله - ارشیف
شهزاده فیصل بن فرحان بن عبدالله - ارشیف

د سعودي عربستان د بهرنیو چارو وزیر وايي چې هېواد به یې په پاکستان کې په اقتصادي پروژو کې د پام وړ پانګونو پلان ته دوام ورکړي.

شهزاده فیصل بن فرحان بن عبدالله د دوشنبې په ورځ د سعودي د پلاوي په سر کې د دوه ورځني سفر لپاره اسلام اباد ته ورسېد څو له پاکستان سره د اقتصادي همکاریو د پراختیا په اړه بحث وکړي.

له دې څو ورځې مخکې پاکستاني چارواکو ویلي وو چې سعودي عربستان غواړي په پاکستان کې د پنځه میلیارد ډالرو په ارزښت د پانګونې پلان چټک کړي.

د پاکستان د بهرنیو چارو وزیر اسحق ډار خبریالانو ته وویل چې د سعودي عربستان پلاوي ته په پاکستان کې د پانګونې د احتمالي پروژو د څرنګوالي په اړه جزییات ورکړل شوي دي.

د پاکستان صدراعظم شهباز شریف تېره اونۍ د سعودي عربستان له ولیعهد محمد بن سلمان سره په مکه مکرمه کې وکتل او د دواړو هېوادونو ترمنځ د همکارۍ سند یې لاسلیک کړ.

روسیه؛ د اشغال شوې کریمیا سیمې په یوه پوځي اډه کې د څو چاودنو غږونه اورېدل شوي

ارشیف
ارشیف

د روسیې له خوا د اشغال شوې کریمیا سیمې د شمالي ښار دژانکوی په یوه پوځي هوايي اډه کې تېره شپه د څو چاودنو غږونه واورېدل شول.

د اسټرا پر ټلګرام چینل د سیمې د اوسېدونکو له خوا هغه ثبت شوې ویډیوګانو خپرې شوې چې ظاهرا په دې هوايي اډه کې د اور لمبې او لوی لوګی پکې ښکاري.

خپلواکو سرچینو تراوسه دا راپورونه نه دي تایید کړي او په کریمیا ټاپووزمه کې دېره د روسیې سیمه ایزو چارواکو هم تراوسه په دې اړه څه نه دي ویلي.

امریکا: پر ایران د تېلو صادراتو د کمولو لپاره یې نوي بندیزونه لګوو

د ایران د تېلو زېرمې - ارشیف
د ایران د تېلو زېرمې - ارشیف

د امریکا د خزانې وزیرې خبرداری ورکړی چې واشنګټن غواړي په راتلونکو ورځو کې پر ایران نوي بندیزونه ولګوي چې نتیجه به یې د دې هېواد د تېلو د صادراتو د ظرفیت کمول وي.

جنېت یلین پرون په واشنګټن کې د پیسو د نړیوال صندوق او نړیوال بانک د ګډې پسرلنۍ غونډې په څنډه کې ټینګار وکړ چې دا بندیزونه پر اسراییلو د ایران د توغندیو او بې پیلوټه الوتکو د وروستۍ حملې په ځواب کې لګول کېږي.

مېرمن یلین په دې اړه نور جزییات ورنه کړل خو ویې ویل چې د دوی په بحثونو کې د ایران، د دې په وینا د تروریستي فعالیتونو د ځنډولو لپاره له ټولو امکاناتو د کاراخیستو احتمال شته.

هغې زیاته کړه چې د امریکا د خزانې او بهرنیو چارو وزارتونو د ایران د بې ثباته کوونکي چلند د مخنیوي لپاره د دې هېواد د تېلو د صادراتو د کمولو په هدف له دې مخکې هم یولړ اقدامات کړي دي.

له دې مخکې اکسیوس وېبپاڼې او واشنګټن پوست ورځپاڼې خبر ورکړی و چې د ولسمشر جوبایډن اداره پر اسراییلو د شنبې ورځې د حملې په غبرګون کې د ایران د رژیم پرضد د بندیزونو د یوې بستې د چمتو کولو په حال کې ده.

د اوکراین ولسمشر د ځواکونو د جذب په موخه د « بسیج» قانون تایید کړ

د اوکرایین ولسمشر ولودیمیر زیلینسکي
د اوکرایین ولسمشر ولودیمیر زیلینسکي

د اوکرایین ولسمشر ولودیمیر زیلینسکي د سه شنبې په ورځ (اپریل ۱۶) د بسیج قانون لاسلیک کړ.

تمه ده چې د دغه قانون په پلي کېدو سره به د اوکرایني ځواکونو د کمښت ستونزه هواره شي.

د بسیج قانون د داوطلبانو معاشونه زیاتوي، د هغو کسانو مجازاتو ته اجازه ورکوي چې له خدمت په تېښته محکوم شوي، او داسې شرایط هم پکې راغلي چې ځینې محکومینو ته د خدمت اجازه ورکوي.

تېر کال د روسیې ضد عملیاتو کومه لویه لاسته راوړنه نه درلوده نو ځکه هم په اوکرایین کې د بسیج د قانون د لاسلیکولو هڅې کېدلې.

پر اوکرایین د روسیې غیرموجه یرغل چې د ۲۰۲۲ کال د فبرورۍ په ۲۴ پیل شوی، لا هم دوام لري.

د جرمني صدراعظم له چین څخه غوښتي چې روسیه د اوکراین جګړې ختمولو ته وهڅوي

د جرمني صدراعظم، اولاف شولز
د جرمني صدراعظم، اولاف شولز

د جرمني صدراعظم اولاف شولز وايي، د چین له ولسمشر شي جینپینګ یې غوښتي چې پر روسیې فشار راوړي څو په اوکراین کې خپل «بې معنی» جګړه پای ته ورسوي.

اولاف شولز، پرون (اپریل ۱۶) د چین پلازمېنې بېجینګ ته د خپل سفر په ترڅ کې د چین له ولسمشر سره خبرې کړي.

د جرمني صدراعظم د چین له ولسمشر شي جین پینګ غوښتي چې د روسیې له ولسمشر ولادیمیر پوتین څخه وغواړي څو له اوکرایینه خپل ځواکونه وباسي او دغه ناوړه جګړه پای ته ورسوي.

چین د اوکراین په شخړه کې ځان بې طرفه بولي خو له دې چې پر اوکرایین د مسکو د یرغل له غندلو ډډه کوي له نیوکو سره مخ دی.

هندي ځواکونو خپل ۲۹ وسله وال مخالفان وژلي

هندي سرتېري - ارشیف
هندي سرتېري - ارشیف

د هند امنیتي ځواکونو لږ تر لږه ۲۹ماویستان په چاتیسګړ ایالت کې وژلي دي.

هندي پولیسو ویلي چې د سه شنبې په ورځ یې له ماویست وسله والو سره جګړه کړې ده.

ماویست جنګیالي د هند د ممنوع ګرځول شوي کمونیست ګوند غړي دي چې د جګړې له لارې د اوسني نظام د پرځولو په لټه کې دي.

دا ګوند او غړي یې د هند د حکومت له خوا ترهګر ګڼل کېږي.

ماویست جنګیالي د هند په مرکز او ختیځو برخو کې د کمینونو او ګوریلايي جنګونو له لارې فعالیت لري.

رویټرز لیکلي دا ماویستان داسې وخت وژل شوي چې په نږدې ورځو کې په هند کې ټاکنې ترسره کېږي او تمه ده چې اوسنی صدراعظم نریندرا مودي دریم ځل واک ته ورسیږي.

د اسراییلو د جنګ کابینه په تېرو درېیو ورځو کې د درېیم ځل لپاره غونډه کوي

د اسراییلو د جنګ کابینې د غونډې انځور
د اسراییلو د جنګ کابینې د غونډې انځور

په پام کې ده چې د اسراییلو د جنګ کابینه په تېرو درېیو ورځو کې د درېیم ځل لپاره غونډه وکړي.

یوه اسراییلي چارواکي ویلي چې په نننۍ غونډه کې به د اسراییلو پر خاوره د ایران د لومړني مستقیم برید په اړه بحث وشي.

په همدې حال کې پر اسراییلو د نړیوالو فشار هم په زیاتېدو دی چې په منځني ختیځ کې د کړکېچ له پراخولو څخه ډډه وکړي.

د اسراییل د پوځ لوی درستیز هیرزي هالېوي بېګا وویل چې د دې هېواد پر قلمرو د ایران د څه باندې ۳۰۰ کروز توغندیو او بې پیلوټه الوتکو یا ډرونونو حملې ته به ځواب ورکړل شي، خو دا چې څنګه جزییات یې ورنه کړل.

که څه هم د ایران حملې په اسراییلو کې زیان نه دی اړولی، خو دا وېره شته چې د غزې له جګړې څخه دا زېږېدلی کړکېچ نور هم پراخ نه شي.

د ایراني پولیسو له‌خوا د جبري حجاب د نوي قانون د تطبیق پر څرنګوالي شکایتونه

له ایراني مېرمنو سره د دې هېواد د پولیسو د چلند یو انځور
له ایراني مېرمنو سره د دې هېواد د پولیسو د چلند یو انځور

په ایران کې د پولیسو له‌خوا د جبري حجاب د نوي قانون د تطبیق څرنګوالي د خلکو شکایتونه پارولي دي.

خلک وايي، پولیس له هغو کسانو سره چې له دې مقرراتو په سرغړونه تورنېږي ناوړه چلند او کله ناکله تاوتریخوالی کوي.

د تهران امنیه قوماندان عباس علي محمدیان ویلي دي چې د اپرېل له ۱۳مې نېټې د حجاب او عفت په نوم د دې نوي قانون د تطبیق لپاره اقدامات به په داسې حال کې چټک شي چې پارلمان دا قانون تراوسه نه دی تصویب کړی.

خو یو شمېر خلکو ویلي چې پولیس د سرغړوونکو په لټه پسې له اوسه د دوی د موټرو ښیښې په ډنډو وهي او ځینو نورو د پولیسو د ګزمو پر وړاندې د خلکو د مقابلې خبر ورکړی دی.

په ځینو راپورونو کې راغلي چې د ایران د فوټبال د نامتو لوبغاړي احمد رضا عابدزاده مېرمن نفیسه لطیفیان او لور یې نګار عابدزاده هم په هغو ښځو کې شاملې دي چې پولیسو د حجاب د مقرراتو د نه مراعاتولو په تور نیولې دي.

د اوکراین پوځ: د روسیې ۹ بریدګرې بې پيلوټه الوتکې مو وویشتې

ارشیف
ارشیف

د اوکراین پوځ وايي، د روسیې نهه بې پیلوټه الوتکې یې چې نن سهار پر دې هېواد وتوغول شوې ټولې ویشتلې دي.

د اوکراین د هوايي مدافعې ځواک په یوه بیان کې ویلي چې دا بې پیلوټه الوتکې د خرسون، میکولایف، خمیلینسکي، پولتاوا، چرکاسي او دنیپروپیتروفسک سیمو په فضا کې له منځه یووړل شوې.

روسیې په تېرو څو اونیو کې د اوکراین د انرژۍ پر تاسیساتو حملو ته زور ورکړی او دا په داسې حال کې ده چې اوکراین د روسیې د یرغلګرو ځواکونو پر وړاندې د جګړې په ډګر کې د تجهیزاتو او مهماتو له کمښت سره مخامخ دی او له دې هېواد سره د امریکا د ۶۱ میلیارد ډالرو مالي مرستې لایحه په کانګرس کې د جمهوریپالو وکیلانو د مخالفت له کبله بنده پاتې ده.

د امریکا د استازو جرګې مشر د اسراییلو، اوکراین او ټایوان لپاره د مرستې ټولولو هڅې پيلوي

د امریکا د استازو جرګې مشر مایک جانسن
د امریکا د استازو جرګې مشر مایک جانسن

د امریکا د استازو جرګې مشر مایک جانسن په روانه اوونۍ کې د اسراییلو، اوکراین او ټایوان لپاره د متحدو ایالتونو د مرستې د ملاتړ په هدف هڅې پیل کړې دي.

ښاغلي جانسن پرون د هغه پلان جزییات روښانه کړل چې له مخې به یې دا بسته د تصویب لپاره په جلا ډول رایې اخیستو ته وړاندې شي او په دې توګه به د امریکا د بهرنۍ پالېسۍ اړوند دا اختلاف راکم شي.

د استازو جرګې د جمهوریپال مشر دا اقدام، د دې لایحې چې له څه باندې دوو میاشتو راهیسې د محافظه کارو د مخالفت له کبله په جرګه کې بنده پاتې ده، د تصویب لپاره د پام وړ پرمختګ بلل کېږي.

نور راوښيه

XS
SM
MD
LG