د کابل ښار غربي څنډې ته تللي یو، چېرته چې پر یوې لویې غونډۍ د دارالامان تاریخي ودانۍپرته ده، ایا کله مو د دغې ودانۍ پر تاریخ او جوړښت فکر کړی؟
او یا مو یې په اړه څه اورېدلي؟ دا ماني دورې د ښار جوړولو پروګرام او دارالامان ماڼۍ طرحه چې زموږ له نننیو شرایطو سره هم تړاو لري، د هغې دورې له شهکاریو څخه شمېرل کېږي.
له دغې شهکارې ماڼۍ څخه له پخوا راهیسې تر اوسه پورې بېلابېلې استفادې شوي، کله د شاه دفتر او د اوسېدنې ځای ګرځېدلی، کله یې د پوځي کلا حیثیت غوره کړی او کله کنډر شوې ده.
دارالامان ماڼۍ نه یوازې د مهندسي له پلوه د هغه وخت یو شهکار دی، بلکې ماهیت یې هم د افغانستان د هغه وخت د پاچاهانو د کار له دفترونو څخه توپیر درلود.
په نننۍ خپرونه کې د کابل د دارالامان د تاریخې ودانۍ پر جوړښت، تاریخ، بدلونونو او اوسني وضعیت خبرې کوو.
جوړوونکی: محبوب شاه محبوب