د څو میاشتو په جریان کې داسې اوونۍ نشته چې له ښځو سره د زور زیاتې پېښې پکې نه وي ترسره شوي.
په مختلفو نومونو د مېرمنو وژل، جنسي تېری، کورنی تاوتریخوالی، د لور د زېږولو په خاطر د مېندو ځورول او حتی په دې نږدې وختونو کې یوه مور په دې خاطر د خپلې کورنۍ لخوا ووژل شوه چې ولې یې لور زېږولې ده.
خو پوښتنه دا ده چې، ایا مور د ماشوم د جنسیت په ټاکلو کې کوم رول لري؟
دا موضوع له طبي او اسلامي اړخه څنګه ده؟
او که په یوې مور د کورنۍ لخوا د لور د زېږولو په خاطر فشار راوړل کېږي دا ډول چلند د مور او ماشوم په روغتیا کې څومره ناوړه اغېزه کولی شي؟
د دې اوونۍ د نیمې نړۍ خپرونه مو د ښځو پر وړاندې د همدې تاوتریخوالي د زیاتېدو په خاطر بحث ته ځانګړې کړې ده، په دې بحث کې د نسایي ولادي ناروغیو متخصصه نجم السما شفاجو او د افغانستان د علوم اکاډمۍ د فقهې څانګې علمي غړی استاد نورالله کوثر راسره مېلمانه دي.
د پروګرام اورېدو لپاره لاندې لېنک کېکاږئ:
جوړوونکې: مسعوده نیازۍ