د هلمند ولایت د ولایتي شورا مسؤلین وایي چې په جګړه کې تجارتي معاملو او د پردیو لاس وهنو په دغه ولایت کې ناامني ډېره کړې ده.
د هلمند ولایت ولایتي شورا رئیس محمد کریم اتل ازادي راډیو ته وویل، ځیني کسان د خپل شخصي تجارت د خرابېدو په خاطر نه غواړي په دغه ولایت کې امن راشي او په خبره يې ورځ تر بلې په دغه ولایت کې امنیتي وضعیت د خرابېدو په لور روان دی.
په دې اړه زموږ همکار سباوون کاکړ له ښاغلي اتل سره مرکه کړې او په سرکې يې ورڅخه پوښتلي چې په دغه ولایت کې د ناامنیو لامل څه دی؟
