یو شمېر افغان کارپوهان د افغانستان د سولې د پروسې په اړه د پاکستان د صدراعظم د بهرنیو اړیکو سلاکار سرتاج عزیز وروستۍ څرګندونې د امریکا او افغانستان تېر ایستل بولي.
سیاسي او حقوقي کارپوه نصرالله ستانکزي ازادي راډیو ته وویل چې د افغانستان د سولې د پروسې په اړه د پاکستان دریځ روښانه دی او دغه هېواد په افغانستان کې د سولې غوښتونکی نه دی.
د پاکستان د صدراعظم د بهرنیو اړیکو سلاکار سرتاج عزیز پرون د امریکا د کانګرس له غړي جان مککین سره په اسلام اباد کې په لیدنه کې ویلي چې د افغانستان د سولې د خبرو بریالیتوب د بل هر هېواد په پرتله پاکستان ته زیات مهم دی.
نجیبې زمان له ښاغلي ستانکزي سره د موضوع په اړه مرکه کړې او په سرکې یي د سرتاج عزیز د وروستیو څرګندونو په اړه پوښتلي دي:
