په نننۍ خپرونه کې یوه داسې تحصیلي او تعلیمي مرکز ته ورغلې یم چې په څلورو لویو رشتو طب، کمپوتر ساینس، اداره و منجمنت او تعلیم او تربیي په برخه کې ښځې روزي، دا مرکز یوازې ښځو ته ځانګړی شوی او د تعلیم او تحصیل ترڅنګ مېرمنو ته حرفوي او مسلکي زده کړې هم ورکوي.
"موږ کولای شو" دا د مورا د تعلیمي او تحصیلي مرکز شعار دی چې په دې نږدې وختونو کې د مېرمنو لپاره جوړ شوی او په مختلفو برخو کې نجونې روزي.
د نجونو عالي لیسه، وړکتون، متوسطه طبي انستیوت، پوهنتون او یو روغتون دا ټول د مورا موسسې هغه خدمات دي چې مېرمنو ته د مېرمنو لخوا وړاندې کېږي.
د مورا پوهنتون رییس او موسس پوهنمل ډاکتر عزیزالله امیر په وینا د مېرمنو لپاره د داسې یوه مرکز جوړولو انګېزه ورته هغه وخت پیدا شوه چې په ډېر ماشومتوب کې یې مور د یوه عادي مرض له امله مړه شوه او له هغه وروسته داسې فکر ورسره پیدا شو چې د مېرمنو لپاره به داسې یو مرکز جوړوي.
د پروګرام اورېدو لپاره لاندې لېنک کېکاږئ:
جوړوونکې:مسعوده نیازۍ