د سولې عالي شورا وايي د ګلبدين حکمتيار تر مشرۍ لاندې له حزب اسلامي ډلې سره د سولې هڅې به نورې دولت-ضد وسله والې ډلې هم روغې جوړې ته وهڅوي.
د سولې عالي شورا ويلي چې ښايي د يکشنبې په ورځ د افغان حکومت او حزب اسلامي ترمنځ د سولې مذاکرې نهايي شي.
صالح محمد صالح د سولې عالي شورا له غړي شهزاده شاهد نه د مرکې په پيل کې پوښتنه کړې چې څومره ممکنه ده، له حزب اسلامي سره د سولې مذاکرې تر يکشنبې په واقعي معنى نهايي شي؟
