د ورکو بلوڅانو لپاره د ږغ پورته کوونکي سازمان مشر ماما قدير بلوڅ له څلورمياشتني ځنډ وروسته يو ځل بيا د کوټې د پريس کلب څنګ ته د هغه دوامدار احتجاج لړۍ پيوند کړې چې له تېرو شاوخوا شپږو کلونو راهيسې يې پيل کړى او مقصد يې په بلوچستان کې د ورکو بلوڅو ځوانانو موندل او د هغوى د مرموزو وژنو تم کېدل دي.
ماما قدير په تېرو څلورو مياشتو کې د خپل سازمان له يوې بلې بلوڅې فعالې فرزانه مجيد سره د امريکا په سفر وو او وايي چې د سفر هدف يې په نړيواله کچه د ورکو بلوڅانو لپاره ږغ پورته کول او د ملګرو ملتونو په شمول نړيوال په بلوچستان کې بشر ضد اعمالو ته متوجه کول وو.
په کوټه کې د ازادي راډيو خبريال بارکوال مياخېل له ماما قدير بلوڅ سره امريکا ته د هغه د سفر په اړه مرکه کړې ده:
