د اباسین پلار حاجي غفور معصوم وايي، ولسمشر اشرف غني ورته ډاډ ورکړی چې د زوی قاتلین به یې د افغانستان له قوانینو سره سم محاکمه شي.
اباسین درې میاشتې مخکې د کابل د کارته نو له سیمې یوې ډلې انسان تښتونکو یرغمل کړ.
حاجي غفور وايي، ښايي تښتونکو یې زوی دوه میاشتې مخکې وژلی وي چې مړی یې درې ورځې مخکې ملي امنیت دده کورنۍ ته وسپاره.
دا چې اباسین څنګه د تښتونکو لاس ته ولوېده او ولې یې کورنۍ او امینتي ادارې ونه توانېدې چې نوموړی وژغوري؟
پر دې موضوع اجمل اند د وژل شوي زلمکي اباسین له پلار حاجي غفور سره مرکه کړې او په سر کې یې ترې پوښتلي چې زوی یې لومړی کله او څنګه د تښتونکو منګولو ته ولوېده؟
