د افغانستان د کرکټ ملي ټیم نن د شل اوریز نړیوال جام په سیالیو کې له جنوبي افریقا سره مخامخ کېږي.
دا لوبه د هند د ممبي ښار د کرکټ په نړیوال لوبغالي کې ترسره کېږي.
که څه هم جنوبي افریقا د نړۍ له پیاوړو ټیمونو څخه ده خو افغان لوبغاړي او د ټیم روزونکي وايي، دوی د دې سیالۍ لپاره پوره چمتوالی لري.
افغانستان د شل اوریز نړیوال جام د لسو غوره ټیمونو په سیالیو کې خپله لومړۍ لوبه سريلانکا ته بایللې ده.