د افغانستان د پوهنې پخوانی وزیر ډاکټر فاروق وردګ د دغه هیواد لپاره د امریکا د بیارغونې د مرستو د څار ادارې وروستی رپوټ بې اساسه او یوه توطئه بولي.
ښاغلي وردګ نن آزادي راډيو ته وویل چې د سیګار ادارې له خوا په دې رپوټ کې ادعا شوې پيسې د پوهنې وزارت له خوا نه بلکې په خپله امریکا او یا یې قراردادیانو په افغانستان کې مصرف کړي دي.
د افغانستان لپاره د امریکا د بیارغونې د مرستو د څار ادارې سیګار ویلي چې د افغانستان پر خیالي ښوونځیو او زده کونکو ۷۶۹ میلیونه ډالره لګیدلي دي.
د پوهنې له مخکیني وزیر فاروق وردک سره زمونږ همکار صفي الله ستانکزي مرکه کړې او په سر کې یې د همدغو پیسو په اړه ترې پوښتنه کړې ده.
