د لاسرسۍ وړ لېنکونه

تازه خبر
دوشنبه ۷ سلواغه ۱۳۹۸ کابل ۰۳:۵۹

عاجل خبر

په کابل کې وسلوالو د انتخاباتو د کمیسیون پر یوه سیمه ييز دفتر حمله کړې

د کابل ښار د دارالامان په سیمه کې د انتخاباتو د خپلواک کمیسیون په یوه سیمه یېز دفتر حمله شوې.

د کابل د امنیې قومندانۍ چارواکو ازادۍ راډیو ته وویل، چې په یولسو بجو او پنځه څلویښتو دقیقو د دې دفتر او د جمهوري ریاست د کاندید اشرف غني احمدزي د دفتر مخې ته چاودنه وشوه.

د کابل د امنیې قومندانۍ ویاند حشمت الله ستانکزي وویل، چې وروسته څو تنه وسلوال د انتخاباتو د خپلواک کمیسیون ساحوي دفتر ته ور ننوتي دي.

هغه وویل، غرمه مهال وویل چې د امنیتي ځواکونو او حمله کوونکو ترمنځ نښته دوام لري.

ستانکزي وویل، چې تر اوسه د حمله کوونکو شمېر نه دی معلوم. نوموړي وویل، چې د تلفاتو په اړه هم اوس معلومات نه شي ورکولای.

د ورځې تازه خبرونه دلته ولولئ

د کابل په پل محمودخان سیمه کې له زوروې چاودنې وروسته ډزې روانې دي

د کابل په پل محمدخان سیمه کې له زوروې چاودنې وروسته ډزې روانې دي. په دې چاودنه کې د چارواکو په وینا له ۶۰ زیات کسان ټپیان شوي دي.

د ازادي راډیو خبریال وایي، وسله وال ګلبهارټاور ته ننوتي او له هغه ځایه ډزې کوي.

په سیمه کې د امنیتي چارواکو ازادي راډیوته وویل چې د وداننۍ د ننه د تصفوېې عملیات روان دي.

د افغانستان د روغتیا وزارت ویاند وحیدالله مایارازادي راډیو ته وویل په دې چاودنه کې د ماشومانو په ګډون ۶۵ ټپیان شوي دي.

تراوسه د دغه برید مسولیت کومۍ وسله والې ډلې په غاړه ندی اخیستی.

په کابل کې دغه برید داسې مهال کیږي چې د افغانستان د ملي امنیت شورا تیره ورځ وویل چې سږپسرلۍ د تیرکال د همدې مودې په پرته په کابل کې د ترهګرو بریدونو تلفات په سلو کې نوي کم شوي دي.

د اوکراین پولیسو کیف کې له زرګونه مظاهره چیانو سره نښته وکړه

د اوکراین پولیسو پرون یکشنبه «۱۳۹۶ کال د لیندۍ ۲۶» په کیف کې له هغو زرګونه مظاهره چیانو سره نښته وکړه چې د ولسمشر پیټرو پروشینکو د محاکمې غوښتنه یې کوله او لارو او سړکونو ته را وتلي وو.

مظاهره چیانو همدا راز غوښتنه کوله چې د اوکراین لويې څارنوال له دندې لېرې شي.

زیات مظاهره چیان د اپوزیسیون د مشر میخائیل ساکاشویلي پلویانو وو د ولسمشر پیټرو پروشینکو له سختو منتقدانو دی.

د کیف پولیسو ویلي چې ۲۳ غړي یې له مظاهره چیانو سره په نښتو کې زخمیان شوي دي.

د پولیسو په وینا، خلکو هڅه کوله چې په کیف کې د اکټوبر ماڼۍ تالار ته ور ننوزي.

دا ودانۍ له ۲۰۱۳ تر ۲۰۱۴ میلادي کاله د اوکراین د پخواني ولسمشر ویکتوریانکوویچ پرضد د ولسي مظاهرو مرکز وو.

ترکیه کې د نجونو په لیلیه کې د اورلګېدو له امله ۱۲تنه وژل شوي

د ترکیې جنوبي ښار ادانا کې د نجونو په لیله کې د اورلګېدو له امله ۱۲ تنه وژل شوي دي.

په ترکیه کې د اروپايي چارو وزیر پرون سې‌شنبه ټلوېزیوني وینا کې په دې اړه وویل چې په دې لیلیه کې د اورلګېدنې اصلي علت لا نه‌دی څرګند شوی.

په لیلیه کې د یوه متوسط ښوونځي او لېسې زده‎کونکې اوسېدې.

په پېښه کې ۱۱ زده‎کونکې وژل شوي او ۲۲ تنه زخمیانې دي.

عزیز: پر افراطي ډلو فشار به تروریستي حملې زیاتې کړي

په بهرنیو چارو کې د پاکستان د صدراعظم سلاکار خبرداری ورکړ چې په دې هېواد کې پر افراطي ډلو زیات فشار راوستل ښايي معکوسه نتیجه ورکړي او تروریستي حملې لا زیاتې کړي.

سرتاج عزیز پرون جمعه په اسلام اباد کې خبریالانو ته وویل چې حکومت یې په تېرو دریو کلونو کې د تروریزم پرضد مبارزه کې د پام وړ پرمختګ کړی دی.

سرتاج عزیز زیاته کړه:

"زما په باور، هغه پرمختګ چې موږ په وروستیو دریو کلونو کې کړی ډېرمهم دی، موږ د ښوو او بدو طالبانو ترمنځ له توپیره پرته، د هغوی پرضد په مبارزه کې پرمخ روان یو، خو په دې کې چې څومره لرې حرکت کولای شو، په څومره شدت او ترکومه حده ولاړ شو خطر موجود دی، موږ هغې مرحلې ته را رسېدلي یو چې پردې اندېښنو غور کوو خو د وخت مناسبت ته پام کول مهمه خبره ده ."

سرتاج عزیز ټینګار وکړ چې د واشنګټن او اسلام ابادپه اړیکو کې ځانګړې ستونزې نه لیدل کېږي.

د سعودي پوځي ایتلاف مشرانو سره وکتل

د سعودي عربستان په مشرۍ د تروريزم پر ضد ايتلاف پوځي مشرانو پرون په رياض کې سره وکتل.

سعودي عرب په تېر ډسمبر مياشت کې د ۳۴ هېوادونو د ايتلاف اعلان وکړ او په فبرورۍ مياشت کې يې د لويې کچې نظامي تمرينات پيل کړل.

د سعودي عربستان بريد جنرال احمد عسيري له پرونۍ خبرو وروسته خبريالانو ته وويل چې ايتلاف د بنسټونو اېښودلو په مرحله کې دی.

عسيري وويل چې رياض دغه ايتلاف ته د پيسو ورکولو وړانديز کړی دی.

ده وويل چې دغه ايتلاف به د ملګرو ملتونو له مقرراتو سره سم چلند کوي.

ده دا هم ويلي چې د پوځي مشرانو دغې کتنې په راتلونکي کې د دفاع وزيرانو غونډې ته زمينه برابره کړه.

په دغه سني اکثريت ايتلاف کې د ناټو غړی ترکي او په اټمي وسلو سمبال پاکستان هم شامل دي.

خو ايران او انډونيزيا د دې اييتلاف برخه نه دي.

پوتین نن په مسکو کې له خپل فنلنډي سیال سره ګوري

د روسیې ولسمشر ویلادي میرپوتین به نن په مسکو کې له خپل فنلنډي سیال ساولي نینیستو Sauli Niinisto سره وګوري.

کریملن وویل، دواړه مشران به د سوداګرۍ، کلتور او خپل منځي همکارۍ پر موضوعاتو خبرې وکړي.

د فنلنډ پخواني صدراعظم ایسکو اهو چې اوس د فنلنډ روسیې د سوداګرۍ د خونې مشر دی، تاس خبري آژانس ته وویل چې د شمال ګاونډي هېوادونه هڅه کوي د همکاري هغه ساحې پیداکړي چې پر روسیې د لوېدیځ په لګول شویو بندیزونو کې نه دې شاملې.

دا د دواړو مشرانو ترمنځ اومه کتنه ده او کریملین ویلي چې د دوی ترمنځ منظمې ټلیفوني مکالمې کېږي.

"روسیه دي د سوریې د اوربند په اړه یو اړخیز اقدام نه کوي"

متحده ایالاتو روسيې ته خبرداری ورکړی دی چې په سوریه کې دې له اوربند څخه د سر غړونې پر وړاندې په یو اړخیزه توګه عکس العمل نه ښيي.

د داعش او نورو سخت دریځو ډلو پر ضد د امریکا په مشرۍ د نړیوال ائتلاف ویاند سټیو وارین وویل موږ تمه لرو چې روسیه به د داسې ګام له پورته کولو ډډه وکړي.

د روسيي پوځ تېره ورځ له امریکا و غوښتل چې په سوریه کې دې د اوربند د تطبیق په اړه بېړنۍ غونډه ونیسي.

مسکو ویلي که واشنګټن ورته نن ځواب ورنه کړي نو روسي ځواکونه به له خپل لوري اقدام وکړي.

"هر عراقي ته دي د تېلو له عوایدو خپله برخه ور کړل شي"

په عراق کې شیعه ملا مقتدا صدر د دې هېواد پر حکومت غږ کړی چې هر عراقي ته دې د دې هېواد د تېلو له عوایدو خپله برخه ورسوي.

صدر دا غوښتنه پرون په بغداد کې په یوه لویه غونډه کې وکړه.

نوموړي همدارنګه وغوښتل چې د ناپیلو سیاستوالو یو تیکنوکراټ حکومت دې په عراق کې رامنځ ته شي څو له فساد سره مبارزه وکړي.

مقتدا صدر خپلو پلویانو ته په وینا کې له حکومته د عامه خدماتو د ښه کېدو او د بې کارۍ د ختمولو غوښتنه هم و کړه.

د مقتدا صدر پلویانو په تېره میاشت کې پرلپسې اعتراضونه کړي او د نوې حکومت د جوړېدو غوښتنه یې کړې.

قزاقستان: حاکم ګوند د پارلماني انتخاباتو ۸۲ سلنه رايې وړي

د قزاقستان د پارلماني انتخاباتو لومړنۍ نتیجه ښي چې د ولسمشر نورسلطان نظر باییف واکمن ګوند په سلو کې ۸۲ رایې ګټلي دي.

د قزاقستان د انتخاباتو مرکزي کمېسیون پرون د انتخاباتو له ترسره کېدو وروسته اعلان وکړ چې د رایو ورکوونکو شمېر په سلو کې نېږدې ۷۷ و.

په قراقستان کې له ۱۹۹۱ میلادي کال راهیسې چې د پخوانې شوروي اتحاد له نسکورېدو وروسته دې هېواد خپلواکي اخیستي، هېڅکله هم تر سره شوي انتخابات لوېدیځ هېوادونو او نړیوالو څارونکو، شفاف او ازاد نه دي بللي.

د ازادي راډیو خبریالان چې د انتخاباتو بهیر یې له نېږدي کتلي وایي، د هېواد په یوشمېر سیمو کې د رایو صندوقونه ډک شوي او د کورنیو غړیو د نورو په استازیتوب رایې کارولي دي.

د نظرباییف "نوراوتان" ګوند د پارلمان د ۱۰۷ کسیز مجلس لپاره یو ریښتینی سیال نه درلود.

پر نوراوتان سر بېره د رایو نتیجه ښیي چې د مجلس لپاره دو نورو ګوندونو، حکومت پلوي د خلکو کمونست او "اک زول" ګوندونو هر یوه په سلو کې څه باندې اووه رایې خپلې کړې دي.

دا هغه تر ټولو کم حد دی چې یو ګوند یې باید پوره کړي چې پارلمان ته لاره پیدا کړي.

پاکستان په هند کې د خپل کرکټ ټیم امنیت په اړه اندېښنه لري

پاکستان وايي، مخکې تر دې چې د خپل هېواد د کرکټ ملي ټیم د کرکټ د نړیوال ۲۰اووریز جام په سیالیو کې ګډون ته پرېږدي، دا اوونۍ به یو پلاوی هند ته ولېږي چې امنیتي وضعیت وڅېړي.

د پاکستان د کورنیو چارو وزیر چودري نثار علي خان پرون وویل، دا درې کسیز پلاوی به د مارچ په اوومه یعني سبا هند ته لاړ شي څو هلته هوټلونه، د لوبغاړو د تګ راتګ لارې او د کرکټ میدان وګوري.

چودري نثار علي خان وویل، که د پلاوي راپور مثبت و، د پاکستان د کرکټ ټیم به پرېښودل شي چې هند ته لاړ شي.

پاکستان دا پرېکړه وروسته له دې وکړه چې د هند د هیما چل پردېش ایالت اعلي وزیر وویل، دوی د مارچ په ۱۹مه د پاکستان د کرکټ لوبډلې ته امنیت نه شي برابرولی او د پاکستان د ټیم مسابقه دې په بل ایالت کې وشي.

د هند د کرکټ ټیم په وروستیو اسیايي سیالیو کې د پاکستان ټیم په پنځو ویکټونو مات کړ.

فرانسه وايي په سوریې کې به خپلو هوايي حملو ته دوام ور کړي

د فرانسې ولسمشر وایي، په سوریې کې خپلو هوایي بریدونو ته دوام ورکوي.

فرانسوا اولانډ په بروکسل کې له یوې فرانسوۍ راډیو سره په مرکه کې ویلي چې دوی په خپلو بریدونو کې ملکیان نه په نښه کوي.

نوموړي روسیې ته په اشارې وویل چې د ملکي وګړو ویشتل ورته د منلو نه دي او دده په خبره روسیه هم باید د حکومت د منځلارو مخالفینو او ملکیان پر ځای داعش په نښه کړي.

فرانسوا اولانډ دغه راز وایي، د سوریې د جګړې د ختمېدو په هدف باید پر مسکو فشار راوړل شي چې له بمبارۍ لاس واخلي او وپوهه ول شي چې دا د بریالیتوب لار نه ده.

ښاغلي اولانډ زیاته کړه:

پر مسکو باید فشار راوړل شي تر څو موږ وکولی شو په دې اړه خبرې وکړو، ځکه چې روسیه به د بشارالاسد په پلوۍ سره په یوازي سر بریالۍ نشي،دا ممکنه نه ده، موږ ټوله یې وینو او هېڅ نتیجه به ورنه کړي، که دا کار دوام ولري، مذاکرات به نه وي او جګړه به دوام لري، نو موږ اړتیا لرو چې مسکو ته قناعت ورکړو، زه فکر کوم دا کار به موږ وکړای شو چې د سوریې بحران ته یوه سیاسي حل لاره پیدا کړو، دا به د مسکو په ګټه هم وي."

فرانسوا اولانډ ټینګار کوي چې د سوریې د سولې خبري باید ژر تر ژره پیل شي.

دی دغه راز د ترکیې او روسیې ترمنځ هم د غیر مستقیمې جګړې د پیل خبرداری ورکوي.

کابل: په ده سبز کې د موټر بم چاودنې مخه نیول شوې

د کابل امنیتي چارواکي وايې چې په کابل ښار کې د یوه موټر بم چاودنې او انتحاري حملې مخه نیولې ده.

د کابل امنیه قومندان عبدالرحمن رحیمي وايې، انتحاري حمله کوونکو غوښتل له چاودیدونکو موادو ډک هینو موټر کابل ښارته را دننه کړي، چې د کابل - بګرام په سړک د ده سبز په سیمه کې هدف ته له رسیدو مخکې پولیسو وداروه او چاودنه یې وکړه.

رحیمي وویل، چې په دې چاودنه کې یو تن ټپی شوی، خو زیاتوي چې د چاودنې په سیمه کې د انسانانو د وجود ټوټې لیدل شوي، چې په اغلب ګومان د حمله کوونکو به وي.

خو ښاغلي رحیمي وویل چې د دوی پلټڼې روانې دي چې دا حمله د چا له خوا پلان شوې وه او هدف يې د کابل ښار کومه برخه وه.

څه موده وړاندې د کابل په قصبې سیمه کې هم ورته موټر بم چاودنه وشوه.

تر اوسه د دې حملې مسوولیت کومې ډلې نه دی منلی.

کندز: وسله واله نښته د پنځو انتحاري حمله کوونکو په وژلو سره پای ته ورسیده

د کندز ولایت د امنیه قومندانۍ په نوې ودانۍ کې د افغان امنیتي ځواکونو او طالبانو ترمنځ نښته د پنځو انتحاري حمله کوونکو په وژلو سره پای ته ورسیده.

دغه نښته نن سهارلس بجې پیل شوې وه.

د دغه ولایت د امنیه قومندانۍ ویاند سید سرورحسیني ازادۍ راډیو ته وویل چې دغه پنځو تنوحمله کوونکوله ډلې لومړي یو انتحاري حمله وکړه او بیا نوریې د قومندانۍ په دروازه کې له پولیسو سره ونښتل.

ښاغلي حسیني وویل چې په دغه نښته کې یو پولیس ټپي شوی او په ملکیانو کې چاته مرګ، ژوبله نه ده اوښتې.

د دغې حملې مسوولیت طالبانو په ځان منلی دی.

پخواني:

د کندز چارواکي وایي، چې د حکومت وسله والو مخالفینو د دې ولایت د امنیې قومندانۍ په نوې ودانۍ ډله ییزه حمله کړې ده.

د کندز د والي ویاند عبدالواسع باصل ازادۍ راډيو ته وویل، چې حمله کوونکي امنیې قومندانۍ ته دننه شوي او لا هم حمله روانه ده.

ښاغلي باصل د حمله کوونکو د شمیر او د حملې د مرګ ژوبلې په اړه معلومات ورنه کړل.

په سیمه کې د ازادۍ راډیو خبریال وایي، چې د امنیې قومندانۍ دا ودانۍ په دې وروستیو کې جوړه شوې، چې د کندز د امنیې قومندانۍ نیم پرسونل دلته او نیم په پخوانۍ ودانۍ کې اوسي.

حمله د لسو بجو په شااوخوا کې پیل شوې ده.

تر اوسه چا ددې حملې مسولیت نه دی اخیستی.

لغمان: د سیمه ییزو پولیسو د یوه قومندان په جنازه کې انتحاري حمله وشوه

په لغمان ولایت کې نن شاوخوا درې بجې د سیمه ییزو پولیسو د یوه قومندان په جنازه کې انتحاري حمله وشوه.

د دې ولایت د سرپرست والي ویاند سرحدي ځواک ازادۍ راډیو ته چې د لومړنیو معلوماتو له مخې په دې پيښه کې دوه تنه وژل شوي او ۲۰ نور ټپیان دي.

د ځواک په وینا یوه انتحاري ځانته چاودنه ورکړې او بل انتحاري ژوندی نیول شوی دی.

ملي امنیت د کورنیو چارو پر وزارت د یوې ډله ییزې حملې مخه نیولې

د افغانستان د ملي امنیت عمومي ریاست وایي، چې د کورنیو چارو پر وزارت یې د یوې ډله ییزې حملې مخه نیولې ده.

د دې ریاست خبرپاڼه وایي، چې یوې پنځه کسیزې وسله والې ډلې غوښتل، چې له جعلي کارتونو او پوځي یونیفورم څخه په استفادې په یوه زره موټرکې کورنیو چارو وزارت ته ننوځي، خو په اتمه امنیتي حوزه کې ونیول شوه.

خبرپاڼه وایي، چې له نیول شوو کسانو څخه د انتحاري حملې وسایل، دوه میله تفنګچې، شل لاسي بمونه او دوه جوړې پوځي جامې ترلاسه شوي دي.

د ملي امنیت ریاست وایي، حمله کوونکو غوښتل، چې په کورنیو چارو وزارت کې د یوې جلسې پر مهال انتحاري حمله وکړي.

تر اوسه وسله والو مخالفینو په دې اړه څه نه دي ویلي.

نور راوښيه

XS
SM
MD
LG