د پلاستیکي کڅوړو او لوښو زیان

په پخوا وختونو کې د پلاستیکي کڅوړو او پلاستیکي لوښو لکه سطلونو، د ډوډۍ د ساتلو لپاره پلاستیکي دیګونو، کاسو، کابونو او داسې نورو ډول، ډول شیانو کارول لږ لیدل کیدل، خو اوس ورځ په ورځ ډیریږي، ځکه ډیر خلک فکر کوي چې پلاستیکي کڅوړې او لوښي پاک ښکلي او کلک دي، خو له تاوان نه یې خبر نه دي.

نن سبا له بازارنه ډیره سودا په پلاستیکي کڅوړو کې اخیستل کیږي، خو مخکې به له کاغذي پاکت یا ټوکرینو خلطونه کار اخیستل کیده، د لغمان اوسیدونکی دولت محمد وایې چې دوي به پخوا نخي خلطې په سودا پسې وړلې.

لیکونکې فرشته مرسل