د لاسرسۍ وړ لېنکونه

تازه خبر
پنجشنبه ۹ وری ۱۴۰۳ کابل ۰۴:۵۸

د پاکستان او افغانستان تر منځ وروستی تاوتریخوالی


پاکستان ځان په تیرو درېیو لسیزو یعنې په افغانستان باندې د روسانو له له یرغل راهیسې د افغانانو د سیاسي او پوځي مبارزو یا چارو اصلې طراح، د لویدیځ استازی یا دلال او ناظر بولې او اوس بیخې څرګنده شوې، چې اسلام اباد په هیڅ ډول نه غواړي په افغانستان کې د سولې یا جوړ جاړي کومه عملیه یا معامله دي د دوي له اغیز او سلا پرته پرمخ لاړه او عملي شي.

افغان حکومت له څو کالو راهیسي له طالبانو سره په یو اړخیز ډول د سولې یا پخلاینې پروګرام اعلان کړی او د همدې مقصد لپاره یي د سولې عالي شوری جوړه کړې ده.

د دې شوری رئیس برهان الدین ربانې د طالب په جامه کې د یوه تروریست له خوا چې د افغان حکومت په وینا، له کوټې څخه یي د استاد د قتل پلان جوړ کړی و، ددغې عملیې قربانې شو، د دینې عالمانو هڅو او نورو ډپلوماتیکې هلو ځلو تر اوسه کومه نتیجه نه ده ورکړي.

د فبرورۍ په میاشت کې په لندن کې د انګلستان د صدراعظم په منځګړتوب د پاکستان او افغانستان د جمهورو رئیسانو تر منځ غونډه جوړه شوه او له خلکو سره په افغانستان کي د سولې د عملیې د بري هیلې پیدا شوې. دواړو خواو حتی دا هم وویل چې د شپږو میاشتو په مودې کې به دا عملیه بریالۍ شي.

په کابل کې د افغانستان او پاکستان ددیني عمالمانو د کنفرنس خبره ګرمه شوه ، خو ډېر ژر د پاکستان د استخباراتې اداري په اشاره په ظاهر کې د مولانا اشرفې په اعتراض سره لغوه شوه.

په څو تیرو ورځو کې د کابل او اسلام اباد تر منځ اړیکي نور هم خراب شول او د افغانستان د بهرنیو چارو د وزارت مرسیتال جاوید لودین په کابل کې د پاکستان سفیر احضار او د ننګرهارولایت په ګوشتې ولسوالۍ کي یي د پاکستان له خوا د امنیتي پوستې د جوړولو له امله هغه ته د خپل هیواد اعتراض وړاندي کړ او دا کار یي د ټولو نړیوالو موازینو خلاف عمل وباله.

افغان حکومت دا هم وویل چې اسلام آباد د سولې په عملیې کي د همکارۍ لپاره افغانستان ته داسي شرایط وړاندي کړې چې د افغان چارواکو په وینا، په هیڅ ډول د منلو وړ نه دي.

افغان حکومت دغه راز وویل، د پاکستان له همکارۍ پرته به هم د سولې عملیه پرمخ بوزي.

د افغانستان د ملې ایتلاف مشر ډاکټر عبدالله آزادي راډیو سره مرکې کې په دې اړه وویل:

«د افغانستان اکثریت خلکو د سولې د بهیر ملاتړ کړی ، خو افغان دولت د پاکستان پر وړاندي کومه مشخصه او اغیزناکه پالیسي نه درلوده.»

د سیاسي چارو ځیني کار پوهان د افغانستان او پاکستان تر منځ روان تاوتریخوالی د نړیوال او سیمه ايز سیاست بدلون بولې . پخوانی پاکستانی ډپلومات شمشاد خان وایي، اصلې ستونزه داده چې هند او پاکستان په افغانستان کې د نفوذ سیالیو ته زور ورکړی او له همدي امله په دي هیواد کي امنیت نشي ټینګیدلاي.

افغان کارپوه او لیکوال صدیق الله بدر دا مساله د سیاست په ډګر کې د روانو حالاتو په اړه د پاکستان وراخطایي بولي.

خو د پاکستان د بهرنیو چارو د وزارت ویاند اعزاز چودری وایي، دوي د سولې عملیې کی صادقانه هلې ځلې کوي او دا ځکه چې د افغانستان سوله او ثبات د پاکستان سوله او ثبات دی.

په همداسي یوه مغشوش او ګډوډ سیاسي حالت کې د افغانستان جمهور رئیس حامد کرزي قطر ته سفر وکړ او هلته یي طالبانو د یوه دفتر د پرانستلو او نورو اړوندو مسلو په اړه د قطر له مشرانو سره خبرې وکړې.

پوښتنه دلته چې آیا پاکستان په رښتیا هم په افغانستان کې د سولې د عملیې بریالي کیدل غواړي ؟آیا د پاکستان له همکارۍ پرته به په افغانستان کي سوله او ثبات ټينګ شي؟ او که ټینګ شي په کوم قیمت او څنګه؟

هيله ده انتظار وکړئ

No media source currently available

0:00 0:34:29 0:00
مستقیم لېنک
XS
SM
MD
LG