په بامیان ولایت کې د طالبانو له خوا د بودا د مجسمو د نړېدو دولس کاله تېریږي، چې د دوشنې په ورځ د ۱۳۹۱ کال د کب یا حوت میاشتې په یوشمې د "شب با بودا" (یوه شپه له بودا سره) په نامه یوه یاد غونډه جوړه شوه.
په دې غونډه کې د بامیان ولایت چارواکو هم ګډون کړی و، چې د بودا د تاریخچې او ارزښت په اړه یې ویناوې وکړې.
د غونډې په اوږدو کې د بودا مجسمو په اړه یو لنډ فلم هم نندارې ته وړاندې شو.
د بودا ۱۶۰۰ کلنې دو سترې مجسمې د طالبانو له خوا د ۲۰۰۱ کال د مارچ په یوولسمه په بمونو والوزول شوې.
