اتمر: په افغان حکومت کې داسې کړۍ شته، چې د ایران په لاس وهنو پرده اچوي

د افغانستان د کورنیو چارو پخوانی وزیر وایې، چې د افغانستان د امریکا ترمنځ د ستراتيژیک سند په اړه د ایران وروستې څرګندونی یوه لاس وهنه ده.

محمد حنیف اتمر له ازادۍ راډیو سره په ځانګړی مرکه کې ویلي، چې دا لومړی ځل نه دی، چې ایران په افغانستان کې لاس وهنه کوي بلکې کله چې دی د کورنیو چارو وزیر وو د ایران له خوا را لیږل شوي ورانکاره ډلې او وسلې یي نیولي دي.

نوموړی وایې، چې په افغان حکومت کې داسې کړۍ موجودی دي، چې د ایران په لاس وهنو پرده اچوي.

دغه مرکه په کابل کې زموږ همکارۍ ذکیي غیاثي نذیر کړې او په سر کې یي ترې پوښتلي، چې ستاسې په نظر د ایران د سفیر وروستې څرګندونۍ یواځې تشویش دی او که نه دا د افغانستان په کورنیو چارو کې لاس وهنه ده؟