افغان چارواکو د ولسمشر کرزي او د فرانسې د دفاع وزیر ترمنځ شوې خبرې رغنده وبللې او ډاډ یي څرګند کړ، چې په کاپیسا کې د فرانسوي سرتیرو د وژنې پیښه به د دواړو هېوادونو پراخیدونکې اړیکې زیانمنې نه کړي.
دا څلور فرانسوي سرتیري د جمعې په ورځ د کاپیسا په تګاب ولسوالۍ کې د ملي اردو د یو سرتیري له خوا ووژلې شول.
د فرانسې د دفاع وزیر ژیراد لانګیو، چې له دې پیښې وروسته افغانستان ته په یو سفر راوتلې د یکشنبې په ورځ یې په کابل کې له افغان ولسمشر سره ولیدل.
د بهرنیو چارو وزارت ویاند جانان موسی په همدې ورځ په یوه خبري غونډه کې وویل، چې د فرانسې د دفاع وزیر ډاډ ورکړې، چې له ۲۰۱۴ میلاي کال وروسته هم له افغانستان سره خپلو مرستو ته دوام ورکړي:
(د فرانسې د دفاع وزیر یو ځلي بیا تر ۲۰۱۴ میلادي کال پورې او له هغې وروسته له افغانستان سره د همکاریو په ژمنې ټینګار وکړ. دا هم افغان دولت او هم د افغانستان د خلکو لپاره یو ښه خبر دې.)
تر دې مخکې فرانسوي مشرانو د ملي اردو د سرتیري له خوا د فرانسوي سرتیرو وژنه د نه منلو وړبللې وه او ګواښ یی کړې وو، که امنیتي شرایط سم نشي، نو له وخت نه مخکې به له افغانستان څخه د فرانسوي سرتیرو ایستل مطرح شي.
دا پېښه په داسې حال کې رامنځ ته شوې، چې ټاکل شوې په راتلونکې اونۍ کې دواړه هېوادونه په خپله کې د ستراتیژیکو اړیکو سند هم لاسلیک کړي.
له ارګ ماڼۍ څخه په خپره شوې اعلامیه کې ویل شوي، چې د فرانسې د دفاع وزیر هیله څرګنده کړه، چې د ستراتیژیکو اړیکو دا سند به د دواړو هېوادونو ترمنځ اړیکې لا پیاوړې کړي.
ښاغلي موسی زي وویل، چې په دې خبرو کې افغان لوري دا ډاډ هم ورکړ، چې په فرانسوي سرتیرو د شوې حملې او له دې مخکې په رامنځ ته شوېو دا ډول پیښو به پراخ تحقیقات وشي:
(افغان ولسمشر د دې پیښې په اړه د یوې پراخې څیړنې په اړتیا ټینګار وکړ، دا ځکه، چې دا لومړې ځل ندې، چې دا ډول پیښه رامنځ ته کیږي.
په ځانګړې توګه د طالبانو له خوا ددې پیښې د مسؤلیت د منلو وروسته ددې تحقیقاتو اړتیا احساسیږي، چې باید ترسره شي.)
دا لومړې ځل ندې، چې په افغانستان کې فرانسوي سرتیري د ملي اردو د یو سرتیري لخوا په نښه کیږي بلکې تر دې مخکې هم د هیواد په جنوب او ځینو نورو سیمو کې داسې پیښې لیدل شوي.
که څه هم کتونکي دداسې پیښو یو اساسي علت د امنیتي ځواکونو په لیکو کې د وسله والو مخالفینو نفوذ بولي، خو ددفاع وزارت چارواکي بیا دا مسئله ردوي او وایی، چې تر ډیره رواني ناروغۍ د داسې پیښو سبب ګرځي.
فرانسه اوس مهال په افغانستان کې څه باندې دری نیم زره سرتیري لري، چې د ایساف په چوکاټ کې فعالیت کوي او له ۲۰۰۱ میلادي کال را پدې خوا ددغه هیواد اتیا سرتیري له وسله والو مخالفینو سره په جګړه کې وژل شوي.
دا څلور فرانسوي سرتیري د جمعې په ورځ د کاپیسا په تګاب ولسوالۍ کې د ملي اردو د یو سرتیري له خوا ووژلې شول.
د فرانسې د دفاع وزیر ژیراد لانګیو، چې له دې پیښې وروسته افغانستان ته په یو سفر راوتلې د یکشنبې په ورځ یې په کابل کې له افغان ولسمشر سره ولیدل.
د بهرنیو چارو وزارت ویاند جانان موسی په همدې ورځ په یوه خبري غونډه کې وویل، چې د فرانسې د دفاع وزیر ډاډ ورکړې، چې له ۲۰۱۴ میلاي کال وروسته هم له افغانستان سره خپلو مرستو ته دوام ورکړي:
(د فرانسې د دفاع وزیر یو ځلي بیا تر ۲۰۱۴ میلادي کال پورې او له هغې وروسته له افغانستان سره د همکاریو په ژمنې ټینګار وکړ. دا هم افغان دولت او هم د افغانستان د خلکو لپاره یو ښه خبر دې.)
تر دې مخکې فرانسوي مشرانو د ملي اردو د سرتیري له خوا د فرانسوي سرتیرو وژنه د نه منلو وړبللې وه او ګواښ یی کړې وو، که امنیتي شرایط سم نشي، نو له وخت نه مخکې به له افغانستان څخه د فرانسوي سرتیرو ایستل مطرح شي.
دا پېښه په داسې حال کې رامنځ ته شوې، چې ټاکل شوې په راتلونکې اونۍ کې دواړه هېوادونه په خپله کې د ستراتیژیکو اړیکو سند هم لاسلیک کړي.
له ارګ ماڼۍ څخه په خپره شوې اعلامیه کې ویل شوي، چې د فرانسې د دفاع وزیر هیله څرګنده کړه، چې د ستراتیژیکو اړیکو دا سند به د دواړو هېوادونو ترمنځ اړیکې لا پیاوړې کړي.
ښاغلي موسی زي وویل، چې په دې خبرو کې افغان لوري دا ډاډ هم ورکړ، چې په فرانسوي سرتیرو د شوې حملې او له دې مخکې په رامنځ ته شوېو دا ډول پیښو به پراخ تحقیقات وشي:
(افغان ولسمشر د دې پیښې په اړه د یوې پراخې څیړنې په اړتیا ټینګار وکړ، دا ځکه، چې دا لومړې ځل ندې، چې دا ډول پیښه رامنځ ته کیږي.
په ځانګړې توګه د طالبانو له خوا ددې پیښې د مسؤلیت د منلو وروسته ددې تحقیقاتو اړتیا احساسیږي، چې باید ترسره شي.)
دا لومړې ځل ندې، چې په افغانستان کې فرانسوي سرتیري د ملي اردو د یو سرتیري لخوا په نښه کیږي بلکې تر دې مخکې هم د هیواد په جنوب او ځینو نورو سیمو کې داسې پیښې لیدل شوي.
که څه هم کتونکي دداسې پیښو یو اساسي علت د امنیتي ځواکونو په لیکو کې د وسله والو مخالفینو نفوذ بولي، خو ددفاع وزارت چارواکي بیا دا مسئله ردوي او وایی، چې تر ډیره رواني ناروغۍ د داسې پیښو سبب ګرځي.
فرانسه اوس مهال په افغانستان کې څه باندې دری نیم زره سرتیري لري، چې د ایساف په چوکاټ کې فعالیت کوي او له ۲۰۰۱ میلادي کال را پدې خوا ددغه هیواد اتیا سرتیري له وسله والو مخالفینو سره په جګړه کې وژل شوي.