انډپنډنټ:
په انګلستان کې خپریدونکې ورځپاڼې انډپنډنټ په وروستۍ ګڼه کې یوه مقاله لیکلې او سرلیک یې ورکړی: "په افغانستان کې سرسختی دښمن" ورځپاڼه لیکي، د طالبانو له خوا د کابل په زړه کې وروستۍ تروریستي حمله له څو اړخونو څخه د پام وړ ده.
د حملې د وخت او بڼې له پلوه طالبانو هڅه وکړه داسې وښیي، چې دوی د خپلو عملیاتو په تر سره کولو کې هم غږي او منظم دي او دوی څو تنه جګړه ماران نه بلکه یوه سیاسي ډله ده، چې د اوږدې مودې هدفونه لري.
انډپنډنټ لیکي، د طالبانو دا حمله له یوې خوا د افغانستان په سرحدي سیمو او یا په بل عبارت د پښتنو په قبایلي کمربند کې یوسیاسي زیان دی او له بلې خوا دا هم په ډاګه کوي، چې نړیواله ټولنه د افراطیانو د مهار کولو لپاره په افغانستان کې د عسکرو د شمېر له زیاتولو پرته بله کومه چاره نه لري.
ورځپاڼه زیاتوي، له وروستیو پېښو څخه د یوه بلې مسالې اهمیت هم په ډاګه کیږی او هغه دا، چې باید د پښتنو په سېمو کې اقتصادي پراختیا ته زیات پام واړول شي او د خلکو نه رضایت هم د شخړو یو عامل دی.
انډپنډنټ ورځپاڼه لیکي، په افغانستان کې بری یوازې له پوځي لارې نه شي حاصېلدای بلکه بری هغه وخت ممکن دی، چې افغانان د امن احساس وکړي.
د ورځپاڼې په باور، د کابل د دوشنبې د ورځې تروریستي حملو یوې بلې نکتې ته هم د خلکو پام واړاوه او هغه دا، چې له حمله کونکو سره د مقابلې چارې افغاني ځواکونو رهبري کولې او ویې کړای شول، چې د څو ساعتنونو په مودې کې په بري سره وضعه ارامه کړي.
وال سټریټ ژورنال:
امریکایي ورځپاڼې وال سټریټ ژورنال په وروستۍ ګڼې کې "کرزی له زیاتو اندیښنو سره مخامخ دی" تر سرلیک لاندې یوه مقاله لیکلې او په یوې برخې کې یې راغلي:
د ولسي جرګې وکیلانو د جمهور رییس حامد کرزي له خوا د نومول شویو وزیرانو زیات شمېر کسان رد کړل او د ژمي په رخصتۍ لاړل. دا په جمهور رییس کرزي باندی یو بل سیاسي ګزار دی.
د ورځپاڼې په عقیده، له دې عمل څخه، په لومړي قدم کې، دې ته هم د خلکو پام اوړي چې جمهور رییس کرزی په داسې حال کې د لندن کنفرانس ته ځي چې د کابینې ټولې څوکۍ یې نه دي ډکې شوي.
د ولسي جرګې ځیني وکیلان په جمهور رییس کرزي تور لګوي، چې د کابینې وزیران یې د اهلیت او لیاقت په اساس نه دي غوره کړي بلکه د دوی په انتخاب کې یې سیاسي ملحوظات په نظر کې نیولي دي.
وال سټریټ ژورنال د ولسي جرګې د غړې فوزیه کوفي خبرې هم راخیستي چې وایي، دا خبره له لومړي سره هم معلومه وه، چې د جمهور رییس کرزي ټول نومول شوي وزیران به د اعتماد رای تر لاسه نه کړای شي.
ورځپاڼه لیکي، په افغانستان کې د جمهوري ریاست داسې انتخابات تر سره شوي، چې د پراخو درغلیو اداعاوې په کې شوی دي او دا چې په همداسي یوه حالت کې به څو میاستي وروسته د ملي شورا لپاره هم انتخابات تر سره کیږي نو په دې اړه زیاتې اندیښنې موجودی دي.
په انګلستان کې خپریدونکې ورځپاڼې انډپنډنټ په وروستۍ ګڼه کې یوه مقاله لیکلې او سرلیک یې ورکړی: "په افغانستان کې سرسختی دښمن" ورځپاڼه لیکي، د طالبانو له خوا د کابل په زړه کې وروستۍ تروریستي حمله له څو اړخونو څخه د پام وړ ده.
د حملې د وخت او بڼې له پلوه طالبانو هڅه وکړه داسې وښیي، چې دوی د خپلو عملیاتو په تر سره کولو کې هم غږي او منظم دي او دوی څو تنه جګړه ماران نه بلکه یوه سیاسي ډله ده، چې د اوږدې مودې هدفونه لري.
انډپنډنټ لیکي، د طالبانو دا حمله له یوې خوا د افغانستان په سرحدي سیمو او یا په بل عبارت د پښتنو په قبایلي کمربند کې یوسیاسي زیان دی او له بلې خوا دا هم په ډاګه کوي، چې نړیواله ټولنه د افراطیانو د مهار کولو لپاره په افغانستان کې د عسکرو د شمېر له زیاتولو پرته بله کومه چاره نه لري.
ورځپاڼه زیاتوي، له وروستیو پېښو څخه د یوه بلې مسالې اهمیت هم په ډاګه کیږی او هغه دا، چې باید د پښتنو په سېمو کې اقتصادي پراختیا ته زیات پام واړول شي او د خلکو نه رضایت هم د شخړو یو عامل دی.
انډپنډنټ ورځپاڼه لیکي، په افغانستان کې بری یوازې له پوځي لارې نه شي حاصېلدای بلکه بری هغه وخت ممکن دی، چې افغانان د امن احساس وکړي.
د ورځپاڼې په باور، د کابل د دوشنبې د ورځې تروریستي حملو یوې بلې نکتې ته هم د خلکو پام واړاوه او هغه دا، چې له حمله کونکو سره د مقابلې چارې افغاني ځواکونو رهبري کولې او ویې کړای شول، چې د څو ساعتنونو په مودې کې په بري سره وضعه ارامه کړي.
وال سټریټ ژورنال:
امریکایي ورځپاڼې وال سټریټ ژورنال په وروستۍ ګڼې کې "کرزی له زیاتو اندیښنو سره مخامخ دی" تر سرلیک لاندې یوه مقاله لیکلې او په یوې برخې کې یې راغلي:
د ولسي جرګې وکیلانو د جمهور رییس حامد کرزي له خوا د نومول شویو وزیرانو زیات شمېر کسان رد کړل او د ژمي په رخصتۍ لاړل. دا په جمهور رییس کرزي باندی یو بل سیاسي ګزار دی.
د ورځپاڼې په عقیده، له دې عمل څخه، په لومړي قدم کې، دې ته هم د خلکو پام اوړي چې جمهور رییس کرزی په داسې حال کې د لندن کنفرانس ته ځي چې د کابینې ټولې څوکۍ یې نه دي ډکې شوي.
د ولسي جرګې ځیني وکیلان په جمهور رییس کرزي تور لګوي، چې د کابینې وزیران یې د اهلیت او لیاقت په اساس نه دي غوره کړي بلکه د دوی په انتخاب کې یې سیاسي ملحوظات په نظر کې نیولي دي.
وال سټریټ ژورنال د ولسي جرګې د غړې فوزیه کوفي خبرې هم راخیستي چې وایي، دا خبره له لومړي سره هم معلومه وه، چې د جمهور رییس کرزي ټول نومول شوي وزیران به د اعتماد رای تر لاسه نه کړای شي.
ورځپاڼه لیکي، په افغانستان کې د جمهوري ریاست داسې انتخابات تر سره شوي، چې د پراخو درغلیو اداعاوې په کې شوی دي او دا چې په همداسي یوه حالت کې به څو میاستي وروسته د ملي شورا لپاره هم انتخابات تر سره کیږي نو په دې اړه زیاتې اندیښنې موجودی دي.