هغه ۷ تنه وزیران چې د ولسي جرګې له خوا د وزیرانو په توګه تایید شول:
د ملي دفاع وزارت ته کاندید جنرال عبدالرحیم وردګ د ۱۲۴ د تاید رایې او سل د رد رایې تر لاسه کړې .
د کورنیو چارو وزارت ته کاندید حنیف اتمر ۱۴۷ د باور رایې او ۷۷ د نه باور رایې واخیستې .
د مالیې وزارت ته کاندید حضرت عمر زاخلیوال ۱۴۷ د باور او ۸۴ د نه باور رایې واخیستې .
د پوهنې وزارت ته کاندید ډاکتر فاروق وردګ ۱۵۵ د باور او ۷۳ د نه باور رایې تر لاسه کړي .
د اطلاعاتو کلتور وزارت ته کاندید سید مخدوم رهین ۱۲۰ د باور رایې ترلاسه کړي او۹۳ د نه باور رایې یې اخیستي دي .
د کانونو وزارت ته کاندید وحیدالله شهراني د باور ۱۴۰ رایې او د نه باور ۸۷ رایې یې تر لاسه کړې .
د کرنې او مالدارۍ وزارت ته کاندید محمد اصف رحيمي د باور ۱۳۶ رایې خپلې کړې دي او د نه باور رایې یې تر دې کمې وې .
هغه ۱۷ تنه کانديدوزیران چې ولسي جرګې رد کړل :
د عدلیې وزارت ته کاندید سرور دانش د باور ۹۶ رایې واخیستې او د نه باور ۱۲۲ رایې یې تر لاسه کړې .
د لوړو زده کړو وزارت ته کاندید عبیدالله عبید د باور ۹۴ او د نه باور ۱۲۱ رایې خپلې کړې .
د اوبو او برېښنا وزارت ته کاندید اسمعیل خان د باور ۱۱۱ رایې او د نه باور ۱۰۹ رایې خپلې کړي .
د حج او اوقافو وزارت ته کاندید عنایت الله بلیغ د باور ۱۰۸ رایې او د نه باور ۱۱۵ رایې خپلې کړې .
د فواید عامې وزارت ته کاندید، میرزا حسین الهي د باور ۳۳ رایې او د نه باور ۱۷۹ رایې تر لاسه کړې .
د اقتصاد وزارت ته کاندید وزیر انور الحق احدي د باور ۹۱ رایې او د نه باور ۱۳۰ رایې خپلې کړې.
د عامې روغتیا وزارت ته کاندید سید محمد امین فاطمي د باور ۱۰۲ رایې او د نه باور ۱۲۰ رايې خپلې کړې .
د مخابراتو وزارت ته کاندید امیرزی سنګین د باور ۹۲ او د نه باور ۱۳۰ رایې خپلې کړې .
د سوداګرۍ وزارت ته کانديد غلام محمد ییلاقي د باور ۷۶ رایې ترلاسه کړې او ۱۳۸ یې د نه باور رایې وې .
د کلیو د بیا رغونې او پراختیا وزارت ته کاندید ویس برمک د باور ۹۰ رایې خپلې کړې او د نه باور ۱۲۷ رایې تر لاسه کړې.
محمد اسمعیل منشي د کار او ټولنیزو چارو وزارت ته کاندید د باور ۳۹ رایې اود نه باور۱۷۶ رایې واخیستې .
محمدالله بتاش د ترانسپورټ او هوانوردۍ وزارت ته کاندید د باور ۸۲ د نه باور۱۳۸ رایې واخیستې .
حسن بانو غضنفر د ښځو د چارو وزارت ته کاندیدې د باور ۱۱۵ د نه باور۱۱۷ رایې واخیستې .
عنایت الله نظري د کډوالو او راستنیدونکیو د چارو وزارت ته کاندید د باور ۸۲ د نه باور۱۳۳ رایې واخیستې .
سید حامد ګیلاني د سرحدونو د چارو وزارت ته کاندید د باور ۷۰رایې او د نه باور ۱۴۹رایې واخېستې .
جنرال خدایداد د نشه یي مواد و پر ضد د مبارزې وزارت ته کاندید د باور ۳۶رایې او د نه باور ۱۷۶رایې واخېستې .
محمد یوسف پښتون د د ښاري پراختیا وزارت ته کاندید د باور ۸۸رایې او د نه باور ۲۷رایې واخېستې .
د یاودنې وړ ده چې ټولو وزیرانو ته یو شمیر سپینې رایې هم ورکړل شوې وې چې نه په رد او نه هم په تاییدي رایو کې حساب شوي . همدا رانګه د ځینو وزیرانو لپاره یو کم شمیر رایې باطلې هم وګڼل شوې.
څارونکې وايي ښايي ولسمشر حامد کرزی د رد شویو وزیرانو له ډلې څخه یو شمیر یو ځل بیا ولسي جرګې ته د باور د رایو د تر لاسه کولو لپاره ور واستوي .
