د افغانستان د دولت او نړيوالى ټولنې د هڅو سره سره چې کروندګر دى ته وهڅوي چې د کوکنارو کر کيله بنده کړي، د ملګرو ملتونو د رپوټونو په اساس افغانستان اوس هم د نړۍ د اپين او مخدره موادو تر ټولو ستر توليدونکى هيواد دى. په پام کې دي چې سبا به په سلګونو قومي سپين ږيري او مشران په کابل کې راټوليږي او د هغو پلانونو په باب به خبرى کوي چې د امريکا په مشرۍ په افغانستان کې د نشه يي موادو د مخنيوي په مقصد بايد ترسره شي٠