د پاکستان د صوبه سرحد ايالتى پارلمان پدى وروستيو وختو کې يو لړ پريکړى کړيدي چې د طالبانو کړو وړو ته ورته دي. تيره اونى دغه ايالتى پارلمان په پيښور کې پريکړه وکړه چې هغه کمپنى چې خپل مالونه نورو هيوادونو ته ليږى بايد په خپلو محصولاتو باندى ښځينه عکسونه چاپ نه کړي. او همداشان ويل کيږى چې له کومه وخته چې په صوبه سرحد کې دغه نوى ايالتى حکومت جوړ شويدى ډيرى داسى پريکړى يي کړيدي چې د طالبانو کړو ته ورته والى لري، لکه د فلمى پوسترونو د ځوړندولو بنديز او نور.