د طالبانو د حکومت امنیتي مسوولان وایي چې د کابل په لوېدیځ کې د پنجشنبې ماښام په چاودنه کې دوه تنه وژل شوي او ۹ نور ټپیان شوي دي.
د کابل د امنیه قومندانۍ ویاند خالد ځدراڼ رسنیو ته ویلي چې چاودنه دشت برچې سیمه کې شوې ده.
عیني شاهدانو ویلي چې چاودنه د یوه ورزشي کلپ مخې ته شوې ده.
تراوسه د چاودنې څرنګوالی معلوم نه دی او مسوولیت یې هم کومې ډلې پر غاړه نه دی اخیستی.
د کابل په دشت برچي سیمه کې چې تر ډېره شیعه مېشته سیمه ده، تر دې وړاندې د ورته بریدونو مسوولیت داعش وسلهوالې ډلې منلی دی.
