د لاسرسي لېنکونه

د ارزګان ولایت سیمه ییز چارواکي وايي چې د مرکز ترینکوټ ښار په شاوخوا سېمو یو شمېر امنیتي پوستو سقوط کړی دی.

د ارزګان د امنیت امر حاجي عبدالقوي ازادي راډيو ته وویل چې وسله‌وال ښار ته داخل شوي او افغان ځواکونه ورسره مقامت کوي.

نوموړي د تلفاتو په اړه جزیات ورنه‌کړل خو خبرداری یې ورکړ که افغان ځواکونو ته مهمات ونه‌رسېږي نو د ولایت مرکز به سقوط وکړي.

د ارزګان په مرکز ترینکوټ ښار کې له تېرو دوو ورځو راهیسې جګړه روانه ده.

وسله‌وال طالبانو هم په یوه تازه خپره شوې خبرپاڼه کې ادعا کړې چې ترینکوټ ته ننوتي دي.

XS
SM
MD
LG