په افغانستان او پاکستان کې د پولیو یا د ماشومانو د ګوزڼ د نویو پېښو ثبتېدلو د دې ناروغۍ د خپرېدو په اړه اندېښنې زیاتې کړې دي.
له افغانستان څخه ځیني ښځې ازادي راډیو سره په خبرو کې ادعا کوي، چې د طالبانو له خوا د حجاب د اصولو د نه مراعتولو په تور، د دوی نارینه خپلوان نیول شوي یا وهل شوي دي. اوس دا موضوع دا پوښتنه راپورته کوي چې ولې نارینه د خپلې کورنۍ د ښځو د کړنو په تړاو مسؤل ګڼل کېږي؟
د طالبانو حکومت د ځینو دغو بهرنیو چارواکو د سفر هدفونه دوه اړخیزې اړیکې او امنیتي همکارۍ یادې کړي. خو د چارو شنونکي بیا وایي، د روسیې، قطر او ترکیې د استخباراتو او امنیتي چارواکو وروستي سفرونه په سیمه کې د داعش ډلې په ګډون د ترهګرو ډلو د فعالیتونو د تشویشونو اړوند وو.
په جرمني کې مېشتې یو شمېر افغانې انځورګرې وايي، که څه هم له خپل هېواده لرې ژوند کوي، خو د خپلو هنري آثارو له لارې هڅه کوي چې په افغانستان کې د ښځو او نجونو ستونزې انځور کړي او د هغوی غږ تر نړیوالو ورسوي.
د پاکستان په بلوچستان ایالت کې بلوڅ بېلتونپالې وسلهوالې ډلې د ښځو د یوې نوې وسلهوالې څانګې د جوړېدو اعلان کړی دی. د بلوچستان لېبرېشن فرنټ (BLF) په نوم دغې ډلې، چې پاکستان یې فعالیتونه غیرقانوني اعلان کړي، خپلې نوې څانګې ته د «کریمه آرمډ اسالټ ډویژن» نوم ورکړی دی.
د طالبانو او پاکستاني ځواکونو ترمنځ سرحدي نښتو ډیورنډ کرښې ته د څېرمه سیمو د اوسېدونکو ژوند له خطرونو او ستونزو سره مخ کړی دی. د ځینو کورنیو غړي وژل شوي او دوکانداران او سوداګر هم له مالي زیانونو او د عوایدو له کمښت شکایت کوي.
په بېلابېلو کورنیو کې د ماشوم زېږېدل معمولاً له خوښیو او خوشحالیو سره مل وي، خو په افغانستان کې ځینې میندې وايي چې د ماشوم له زېږېدو وروسته یې ورځې له خپګان، اندېښنو، بېخوبۍ او رواني فشارونو سره تېریږي یا هم تېرې شوي دي.
د سمنګان ولایت یوه کونډه ښځه وايي، له تېرو پنځو کلونو راهیسې په خپل کور کې د کالیو مینځلو صابون تولیدوي او له دې لارې د خپلې پنځه کسیزې کورنۍ لګښتونه پوره کوي.
د روغتیا نړیوال سازمان وايي روانه اونۍ په افغانستان کې د پولیو ۶ نوې پیښې رپوټ شوي دي. متخصص ډاکتران وايي چې نویو واقعاتو ته په کتو د واکسین هلې ځلې باید لا ګړندۍ او پراخې شي.
نور راوښيه
