د تېرې دوشنبې پر ورځ(د وږي ۱۶مه) باندې د پاکستان د طب او غاښونو د طب شورا پرېکړه کړې وه، چې په دغه هېواد کې پر طبي زدهکړو بوخت افغان محصلان دې خپل هېواد ته ستانه کړل شي؛ دې پرېکړې په پاکستان او له پاکستان څخه د باندې افغانانو ګڼ غبرګونونه راوپارول او شورا یې پر خپله پرېکړه بیاځلي غور ته اړ کړه.
پر امریکا د ۲۰۰۱ز کال د سېپټمبر د ۱۱مې نېټې له بریدونو ۲۵ کاله تېر شول، هغه پېښه چې په افغانستان کې یې د بدلونونو لار بدله کړه. تر هغې وروسته افغانستان دوې لسیزې جگړې، ناامنۍ، بدلونونه او تازه فرصتونه تجربه کړل؛ هغه دوره، چې د نړۍوالو ځواکونو په وتلو او د طالبانو په بیا راتگ سره پای ته ورسېده.
د سپټمبر د ۱۱مې له بریدونو ۲۵ کاله وروسته، په افغانستان کې د القاعده د بیا حضور او فعالیت په اړه د کارپوهانو نظرونه سره وېشل شوي دي.
په کابل کې د استوګنیزو بلاکونو جوړونکي یو شمېر شرکتونه وايي، په دې ورستیو کې د اپارتمانونو له اخیستلو سره د خلکو لېوالتیا کمه شوې ده او بیې یې هم رالوېدلي دي. دوی یې لاملونه جګړه او نور مسایل بولي؛ خو د معاملاتو د لارښوونې د دفترونو یو شمېر څښتنان د املاکو بازار او بیې په نورو عواملو پورې تړلې بولي.
د کابل ښار د یو شمېر اوسېدونکو په وینا، دغلته ځینې درمل په بیه لوړ، خو په کیفیت خورا ټیټ دي؛ دوی وايي چې کله کله خو په درملتونونو کې آن تاریختېر درمل هم پرې پلورل شوي دي؛ دغه هر څه د دې لامل شوي دي، چې ناروغان په هېواد دننه درملنې بېباوره شي او د خپلې درملنې لپاره گاونډیو هېوادونو ته ولاړ شي.
په افغانستان کې د امریکا د پخواني ځانګړي استازي زلمي خلیلزاد وروستي سفرونه او له طالب چارواکو سره یې لیدنې له بېلابېلو غبرګونونو سره مخ شوې دي.
په کندهار کې یوه خیریه ښوونیز بنسټ په میوند او ژیړۍ ولسوالیو کې ماشومانو ته د زدهکړو ټولگي جوړ کړي دي. د دغه بنسټ مسوولان وايي، دغه ټولگي یې هغو وړو نجونو او هلکانو ته جوړ کړي دي، چې رسمي ښوونځي نهلري او یا ترې لرې دي. ماشومان او د سیمې خلک د ښوونځیو په جوړېدو خوښ دي.
په افغانستان کې د لوړ ولور له امله د گڼو ځوانانو ودونه کلونه کلونه ځنډېږي. د دیني عالمانو په خبره، ولور په اسلام کې مطلق ناروا دی؛ خو د ځینو ټولنیزو دودونو پر بنسټ د دین دغه حکم ته ډېر پام نه کېږي. په ځینو سیمو کې خو ولور آن تر یو میلیون افغانیو رسېږي، چې له امله یې ځوانان مسافرۍ ته اړ وځي.
د طالبانو په بیاځل واکمنېدو سره په افغانستان کې پر هنر باندې د بندیزونو له وجې د هنرمندانو ژوند سخت شوی دی. هغه هنرمندان، چې کلونه کلونه یې د افغانستان لپاره سندرې بللې دي او مجلسونه یې رنگین کړي وو، اوس له ستونزو سره مخ دي.
نور راوښيه
