راسره ملګري شئ
د نومبر ۱۱مه د مجردانو نړیواله ورځ ده. په بډایه ټولنو کې مجرد پاتې کېدل یو انتخاب وي، خو په افغانستان کې بېکارۍ، بېوزلۍ او لوړ ولور ګڼ ځوانان مجرد پاتې کېدو ته اړ کړي دي. د دغو دودونو بیه هلکان او پېغلې دواړه ورکوي.
پر افغان ښځو د کار له محدودیتونو پنځه کاله تېر شول. یو شمېر هغه ښځې چې له کاره بېبرخې شوې، وايي چې د خپلو او اولادونو د لومړنیو اړتیاوو په پوره کولو کې له ستونزو سره مخامخ دي. اقتصادپوهان خبرداری ورکوي چې د دې وضعیت دوام پر کورنیو اقتصادي فشارونه لا زیاتوي.
ترکیه کې د ملګرو ملتونو د اقلیمي بدلون ۳۱م کنفرانس روان دی. د ملګرو ملتونو سرمنشي انتونیو ګوتیریش ویلي د اقلیمي بدلون په وړاندې پڅ غبرګون نړۍ د تباهۍ خواته وړې. د طالبانو حکومت وایي کوم استازی یې دې ناستې ته نه دی ورلیږلی.
په افغانستان کې یو شمېر ځوانان سره له دې چې د پوهنتون سندونه لري، مناسبه دنده نهشي موندلی. د کاري فرصتونو کمښت او پر ښځو د کار محدودیتونو د دوی کاري راتلونکی ناڅرګند کړی دی. اقتصادپوهان وايي، د ښوونیز نظام او د کار بازار د اړتیاوو تر منځ نه همغږي هم د دې ستونزې یو مهم لامل دی.
د کانګرس جمهوري پلوې غړې یاسمین انصاري د دوشنبې په ورځ په خپله ایکسپاڼه ولیکل چې د کانګرس د بل غړي ډان بیکن ترڅنګ کانګرس کې د دواړو ګوندونو د لسګونو غړو په ملګرتیا یې ددغو افغان کډوالو د ژوند د اوسنیو شرایطو او د بیا میشتیدو د پلان په هکله د عاجلو توضیحاتو غوښتنه کړې ده.
د ژمي په رانږدې کېدو سره د افغانستان د بېلابېلو ولایتونو کورنۍ وايي، په ماشومانو کې د سینهبغل او نورو تنفسي ناروغیو پېښې زیاتې شوې دي. دوی سړه هوا، ککړتیا او بېوزلي د دې ناروغیو لاملونه بولي. د روغتیا نړیوال سازمان هم وايي، په سېپټمبر کې دا پېښې تر اګست ډېرې شوې دي.
طالبانو پر پوهنتونونو د نجونو له بندیز وروسته، مدینه د خپلو زدهکړو د دوام لپاره ایران ته کډواله شوه. هغه هلته په یوه فابریکه کې کار کوي، له کار وروسته درس وايي او له خپلې کورنۍ سره مالي مرسته هم کوي. سره له دې چې له ګڼو ستونزو سره مخامخ ده، له خپلو تحصیلي او مسلکي هیلو یې لاس نه دی اخیستی.
فرانسې د بې اسناده افغان کډوالو د اېستلو لپاره له طالبانو سره تخنیکي خبرې پیل کړې دي. هلته مېشت یو شمېر افغانان وايي، په سختو لارو دې هېواد ته رسېدلي او کلونه بې اسناده پاتې دي. ولې دوی افغانستان ته ستنېدل خطرناک بولي؟
په تاجیکستان کې یو شمېر افغان کډوال وايي، سره له دې چې د اوسېدو قانوني اسناد لري، د نیول کېدو او اېستل کېدو له وېرې له کوره نه شي وتلی. دوی وايي، امنیتي کسان یې په بېلابېلو پلمو نیسي او پیسې ترې غواړي. د تاجیکستان چارواکو د دې ادعاوو په اړه څه نه دي ویلي، خو مخکې یې د جبري اېستلو راپورونه رد کړي وو.
نور راوښيه
